کویت اردو نیوز 20 مارچ: سعودی عرب کے ممتاز مفتی شیخ عبد العزیز الشیخ کی جانب سے موجودہ صورتحال کے پیش نظر ایک اہم فتویٰ جاری کردیا گیا ہے۔
تفصیلات کے مطابق عظیم سعودی مفتی شیخ عبد العزیز الشیخ نے بڑا فتویٰ جاری کردیا ہے۔ تمام اسلامی مہینوں میں رمضان کا مہینہ ایک فضیلت ہے۔ نعمتوں ، برکتوں اور فضائل سے بھرا یہ مہینہ مسلمانوں کی شفاعت، مغفرت اور نیک اعمال کرنے کا مہینہ ہے۔ گذشتہ سال رمضان کورونا کی وبا کے دوران آیا تھا لیکن اس سال رمضان المبارک ایک ایسے وقت میں آئے گا جب لاکھوں مسلمانوں کو کورونا کے خلاف ویکسین دی جائے گی اور رمضان المبارک کے دوران لاکھوں افراد کو کورونا سے بچاؤ کی ویکسین دینا نہایت ضروری بلکہ لازمی ہے۔
بہت سارے لوگوں کے ذہنوں میں سوال ہے کہ کیا روزے کے دوران کورونا ویکسین لی جاسکتی ہے اور کیا اس سے روزہ نہیں ٹوٹتا ہے؟
ایسا ہی سوال ایک شخص نے سعودی عرب کے عظیم مفتی سے بھی پوچھا تھا۔ براہ راست ٹی وی پروگرام کے دوران فون کرنے والے نے سوال کیا کہ کچھ لوگ کہتے ہیں کہ روزہ کے وقت کورونا ویکسین لینے سے روزہ ٹوٹ جائے گا۔ اس معاملے میں وضاحت کریں کہ شرعی حکم کیا ہے؟
اس سوال کے جواب میں سعودی عرب کے عظیم الشان مفتی اور انتہائی ممتاز علمائے کرام کی کونسل کے سربراہ شیخ عبد العزیز الشیخ نے کہا ہے کہ روزے کے دوران کورونا ویکسین لینے سے روزہ نہیں ٹوٹتا ہے۔ شریعت کے مطابق روزے کے دوران کورونا ویکسین لینا جائز ہے کیونکہ یہ ویکسین کھانے پینے میں شامل نہیں ہے۔ یہ ویکسین پٹھوں کے ذریعے جسم میں پھیلتی ہے لہذا اس کا استعمال روزے پر اثر انداز نہیں ہوتا ہے۔