کویت اردو نیوز : مصر میں حفاظ اور قراء یونین نےاعلان کیاہےکہ ایک مشہور قاری کو تلاوت قرآن کے آداب اور قواعد کی خلاف ورزی کےالزام میں6ماہ قید کی سزا سنائی گئی ہے۔
حفاظ اور قراء یونین نے اپنے ایک سرکاری بیان میں کہا ہے کہ قاری محمد احمد نصر علی قطب، جسے محمد نصر الطاروطی کے نام سے جانا جاتا ہے، کو شرقیہ گورنری میں خلاف ورزی کے الزام میں 6 ماہ قید کی سزا سنائی گئی ہے۔
تلاوت کے آداب اور احکام سے متعلق ایک بیان میں مزید کہا گیا ہے کہ جو بھی قاری قرآن مجید کی تلاوت کے قواعد کی خلاف ورزی کرے گا اسے سخت سزا دی جائے گی۔
یونین کی جانب سے یہ سزا ایک مشہور قاری کے قرآن پاک کی تلاوت کے دوران رقص کرنے کی ویڈیو سامنے آنے کے بعد سامنے آئی۔ قاری کو ویڈیو میں ڈانس کرتے دیکھے جانے کے بعد معطل کر دیا گیا تھا ۔
سوشل میڈیا صارفین نے سورۃ الشوری کی آیات کی تلاوت کرتے ہوئے قاری کے رقص پر برہمی کا اظہار کیا جو قرآن پاک کے وقار اور تقدس سے متصادم ہے، اور مطالبہ کیا تھا کہ اس کے خلاف قانونی کارروائی کی جائے۔
