کویت اردو نیوز : ایک فلسطینی حامی گروپ نے اسرائیلی فوج اور پوسٹل کمپنی کی ویب سائٹس کو ہیک کر لیا۔
اسرائیلی میڈیا کے مطابق ویب سائٹس کو مختصراً ہیک کیے جانے کے بعد ہیکرز کی جانب سے ایک پوسٹ کی گئی، جس میں لکھا گیا کہ ’غزہ میں اسرائیلی فوج کی ناانصافی آپ کو دہشت گردی، قتل و غارت اور جنگ کے ذریعے ہی نقصان پہنچائے گی اور یہ نقصان زمینی ،ہوائی یا الیکٹرانک ذرائع کے طور پر ہوگا، ‘
پوسٹ میں مزید کہا گیا کہ "یہ صرف آپ کے گھناؤنے اقدامات، بربریت اور غزہ میں ہمارے مظلوم لوگوں کے قتل کے جواب میں ہے۔” یہ تو شروعات ہیں اور یہاں سے ہم آپ کو بتاتے ہیں کہ ہم صرف اپنی سرزمین فلسطین کی سمندر سے دریا تک کی آزادی کو قبول کریں گے۔
مراسلہ میں کہا گیا کہ اگر آپ کے ساتھ ہماری جنگ ہمیشہ جاری رہی تو آپ کو ہم سے قتل و غارت اور دہشت کے سوا کچھ نہیں ملے گا۔
ہیکرز کے گروپ نے پوسٹ میں فلسطین کی آزادی کا مطالبہ بھی کیا۔
صہیونی میڈیا رپورٹس میں یہ بھی بتایا گیا کہ ہیکر گروپ یا فرد نے اشارہ کیا کہ وہ اردنی نژاد ہے۔
پوسٹ میں یہ بھی کہا گیا ہے کہ "اردن میں آپکے بھائیوں سےلےکر غزہ اور فلسطین کےہمارے لوگوں تک، ہم دل اوراپنے عمل کیساتھ آپکے ساتھ ہیں اور یہ ہمارامقصد اور ہر آزادمسلمان کا خواب بھی ہے۔”
اسرائیلی فوج نے بھی ویب سائٹ کے ہیک ہونے کی تصدیق کرتے ہوئے کہا کہ ویب سائٹ کو آف لائن کرنے کے بعد اب بحال کر دیا گیا ہے۔
