کویت اردو نیوز : مشہور پاپ گلوکار، اداکار ، یوٹیوبر داؤد کم نے جنوبی کوریا میں مسجد بنانے کا اعلان کردیا۔
گلوکار داؤد کم نے مسجد کی تعمیر کے لیے خریدی گئی زمین اور ٹھیکے کی تصاویر اپنے سوشل میڈیا پر شیئر کرتے ہوئے لکھا کہ آخرکار آپ کی مدد سے مسجد کی تعمیر کا ٹھیکہ مل ہی گیا۔ مجھے یقین نہیں آرہا کہ اس سرزمین پر جلد ہی مسجد بنے گی۔ اس سلسلے میں بہت سی مشکلات کا سامنا کرنا پڑا لیکن مجھے یقین تھا کہ میں ضرور کروں گا۔
جے کم کے نام سے مشہور گلوکار، یوٹیوبر اور اداکار داؤد کم نے 2019 میں اسلام قبول کیا اور اپنی سوشل میڈیا پوسٹس میں بارہا مکہ مکرمہ اور مدینہ منورہ جانے کی خواہش کا اظہار کیا۔ داؤد کم نے 2022ء میں رمضان المبارک کے دوران عمرہ کی سعادت حاصل کی۔
جنوبی کوریا سے تعلق رکھنے والے عالمی شہرت یافتہ گلوکار اور یوٹیوب داؤد کم نے سوشل میڈیا پر جنوبی کوریا کے شہر انشین میں مسجد بنانے کا اعلان کیا۔
انہوں نے مزید کہا کہ کورین شہریوں کو دین کی دعوت دینے کے لیے مسجد کے ساتھ ایک اسلامی پوڈ کاسٹ اسٹوڈیو بھی بنایا جائے گا۔ میں اس وقت تک جدوجہد جاری رکھوں گا جب تک جنوبی کوریا کی ہر گلی میں اذان کی خوبصورت آواز سنائی نہیں دیتی۔
