کویت اردو نیوز ، 17 اکتوبر 2023: بالی ووڈ کی ایکشن اور تھرلر فلم ‘ٹائیگر 3’ کا نیا پوسٹر جاری کر دیا گیا ہے۔
ریلیز کیے گئے پوسٹر میں فلم کی مرکزی کاسٹ کو دکھایا گیا ہے، جس میں ولن عمران ہاشمی کا متاثر کن انداز سب کی توجہ اپنی جانب مبذول کررہاہے۔
اس سے قبل سلمان خان نے اپنی فلم کے کردار ‘ٹائیگر’ کا روپ سوشل میڈیا پر دنیا بھر میں موجود اپنے کروڑوں مداحوں کے ساتھ شیئر کیا تھا۔
اس کے علاوہ فلم ٹائیگر 3 کی خاتون جاسوس ‘زویا’ کا پہلا لک بھی جاری کیا گیا، جسے مداحوں نے بے حد پسند کیا۔
بالی ووڈ سپر اسٹار سلمان خان کی جانب سے سوشل میڈیا پر جاری کیے گئے اس پوسٹر میں دیکھا جاسکتا ہے کہ کترینہ کیف اپنے فلمی کردار زویا کے طور پر ایکشن کرتی نظر آرہی ہیں۔
کترینہ کیف نے ‘ایک تھا ٹائیگر’ اور ‘ٹائیگر زندہ ہے’ میں خاتون جاسوس ‘زویا’ کا کردار ادا کیا تھا۔
اب ان کے کروڑوں مداح اس فلم کا بے صبری سے انتظار کر رہے ہیں کہ وہ انہیں سلمان خان کے ساتھ ٹائیگر 3 میں بھی ایکشن میں دیکھیں۔
واضح رہے کہ ٹائیگر 3 دیوالی کے تہوار کے موقع پر 12 نومبر کو دنیا بھر میں ریلیز کی جا رہی ہے۔
