کویت اردو نیوز: برطانوی گلوکار لوئس ٹاملنسن نے مداح کو آٹو گراف دینے کے لیے نکاح نامہ پر دستخط کر دیے۔
مداح اپنے پسندیدہ گلوکار یا اداکار کی ایک جھلک دیکھنے کے لیے بے تاب ہوتے ہیں لیکن کچھ مداح ایسے بھی ہیں جو اپنے انداز سے سب کی توجہ اپنی جانب مبذول کر لیتے ہیں۔
مشہور برطانوی گلوکار لوئس ٹامسن ان دنوں ایک ایسے ہی دلچسپ اور حیران کن واقعے کی وجہ سے سوشل میڈیا صارفین کی توجہ اپنی جانب مبذول کر رہے ہیں۔
ہوا یوں کہ انڈونیشیا کے شہر جکارتہ میں ایک کنسرٹ کے دوران ایک مداح نے گلوکار کے دستخط بطور آٹوگراف لینا چاہا۔
جسے گلوکار نے مداحوں کی خاطر آٹو گراف دینے میں کوئی عار محسوس نہیں کی لیکن وہ اس بات سے بالکل بے خبر تھے کہ وہ نکاح نامہ پر دستخط کر رہے ہیں۔
تاہم، خاتون پھر خوشی سے سب کو بتاتی ہے کہ وہ کنسرٹ میں اکیلی گئی تھی، اس کا کوئی بوائے فرینڈ نہیں ہے لیکن اس نے شادی کر لی ہے کیوں کہ لوئس نے اپنے نکاح نامہ پر دستخط کر دیے ہیں۔
واضح رہے کہ لوئس ٹاملسن مشہور برطانوی بینڈ ‘ون ڈائریکشن’ کا حصہ تھے، جو اب ٹوٹ چکا ہے، اس بینڈ میں پاکستانی نژاد برطانوی گلوکار زین ملک بھی شامل تھے۔
اچھی بات یہ ہے کہ انڈونیشیا کے قانون کے مطابق شادی کو صرف اسی صورت میں تسلیم کیا جاتا ہے جب جوڑے کی کوئی رسمی تقریب ہو، اس لیے اس نکاح نامے کی کوئی قانونی حیثیت نہیں ہے۔
