‘یہ گھوڑے پرہی چل رہا ہے’ شعیب ملک کی نئی شادی پر ڈیپ فیک میم سوشل میڈیا پر خوب وائرل ہورہی ہے ۔
پاکستانی کرکٹر شعیب ملک کی نئی شادی پر انٹرنیٹ پر میمز کا سیلاب آگیا ہے۔ ایسے میں ڈیپ فیک ٹیکنالوجی سے بنائی گئی ایک ویڈیو وائرل ہو رہی ہے۔
اس میم میں بھارتی فلم ‘تنو ویڈز منو ریٹرنز’ کا کلپ لے کر کرداروں کے چہروں کو پاکستانی کرکٹرز کے چہروں سے بدل دیا گیا ہے۔ میم میں ڈائیلاگ تقریباً فلم کے مکالمے سے ملتے جلتے ہیں، لیکن ان میں میم کے مطابق تبدیلی کی گئی ہے۔
ڈیپ فیک کی بنائی گئی ویڈیو میں بابر اعظم شعیب ملک سے کہتےہیں، "آپ ٹھیک ہیں ملک بھائی، آپ دوبارہ سوٹ بنا رہے ہیں، یہاں ایک بار گھوڑی پر سوار ہونا نصیب نہیں ہواہے ،یہ تب سے گھوڑی پر ہی گھوم رہا ہے۔ ”
یہ بھارتی فلم میں جمی شیرگل کے کردار کا بولا گیا ڈائیلاگ ہے۔
مکالمہ ختم ہونے کے بعد سرفراز کو ہنستےہوئےدکھایا گیا ہے۔
یہ میم ایک سوشل میڈیا تخلیق کار نے بنائی ہے جس کا اکاؤنٹ Memes by Musa ہے۔
موسیٰ نے شکایت کی کہ بہت سے ٹی وی چینل نے اپنی اسکرین پر ان کا میم دکھایا لیکن انہیں کریڈٹ نہیں دیا۔
