سونم باجوہ کا رواں برس پاکستان آنے کا اعلان

کویت اردو نیوز،15جون: بھارتی پنجابی فلم انڈسٹری کی معروف اداکارہ سونم باجوہ نے رواں برس پاکستان آنے کا ارادہ ظاہر کردیا۔

سماجی رابطے کی ویب سائٹ ٹوئٹر پر معروف اداکارہ نے ایک مداح کی جانب سے پوچھے گئے سوال کا جواب دیتے ہوئے رواں برس پاکستان آنے کے بارے میں بتایا۔

ٹوئٹر پر سونم باجوہ سے ایک مداح نے پنجابی زبان میں درخواست کی کہ ’’ سونم جی کدی پاکستان وی آؤ ‘‘ جس پر رد عمل دیتے ہوئے اداکارہ نے کہا کہ ’’ اس سال آواں گی ‘‘۔

اداکارہ اس سے قبل پاکستانی اداکارہ سجل علی، اداکار فواد خان اور ڈرامہ ’میرے پاس تم ہو‘ کیلئے پسندیدگی کا اظہار بھی کرچکی ہیں