الیسا ہیلی کتے کے کاٹنے کے بعد بگ بیش لیگ سے باہر ہوگئیں

کویت اردو نیوز ، 27 اکتوبر 2023: آسٹریلوی ویمن کرکٹر الیسا ہیلی کتے کے کاٹنے کے بعد ویمن بگ بیش لیگ سے باہر ہوگئیں۔

آسٹریلوی ویمن کرکٹر الیسا ہیلی نے سماجی رابطے کی ویب سائٹ انسٹاگرام پر مداحوں کو بتایا کہ کتے کے کاٹنے سے ان کی انگلی بری طرح زخمی ہوگئی ہے، ان کا آپریشن ہوچکا ہے اور وہ بگ بیش لیگ میں سڈنی سکسرز کے لیے دستیاب نہیں ہوں گی۔

ایلیسا ہیلی کا کہنا تھا کہ ڈاکٹروں نے انہیں پانچ ہفتے مکمل آرام کا مشورہ دیا ہے۔

انہوں نے لکھا کہ وہ سڈنی سکسرز کے لیے ویمن بگ بیش لیگ کھیلنا چاہتی تھیں لیکن اب میری توجہ جلد فٹ ہونے پر ہے، اس دوران میں ٹیم کے ساتھ رہوں گی۔

واضح رہے کہ آسٹریلیا کی خواتین ٹیم کو 21 دسمبر سے بھارت کے خلاف ڈے نائٹ ٹیسٹ کھیلنا ہے تاہم وہ بھی اس میچ میں شرکت کے حوالے سے غیر یقینی کا شکار ہیں۔