کویت اردو نیوز 10 مارچ: عمان کے ہاؤسنگ اور شہری منصوبہ بندی کے وزیر ڈاکٹر خلفان بن سعید الشوائلی نے ایک وزارتی فیصلہ جاری کیا جس کے تحت اب غیر ملکی سرمایہ کاروں کو جائیدادیں خریدنے کی اجازت دی گئی ہے۔
تفصیلات کے مطابق غیر ملکی سرمایہ کار اب عمان میں نصف ملین ریال تک کی جائیداد کے مالک بن سکتے ہیں۔ ڈاکٹر خلفان بن سعید الشوائلی، وزیر برائے ہاؤسنگ اور شہری منصوبہ بندی کے جاری کردہ ایک وزارتی فیصلے کے بعد بتایا گیا ہے کہ اڑھائی لاکھ سے پانچ لاکھ عمانی ریال کے درمیان مالیت کے ہاؤسنگ یونٹ خریدنے والے غیرملکی سرمایہ کاروں کو سلطنت عمان کا فرسٹ کلاس رہائشی کارڈ ملے گا جبکہ جن غیرملکیوں کی ملکیت میں 250,000 عمانی ریال سے کم قیمت کے مکانات ہیں انہیں رئیل اسٹیٹ رجسٹری سیکرٹریٹ سے دوسرے درجے کا رہائشی کارڈ جاری کیا جائے گا۔ ایسے سرمایہ کار جن کے پاس ایسے مکانات ہیں جو انہیں
فرسٹ کلاس رہائشی کارڈ حاصل کرنے کے قابل بناتے ہیں ان کو ان علاقوں سے باہر ایک جائیداد رکھنے کا حق بھی حاصل ہے جو غیر ملکی ملکیت کے لیے لائسنس یافتہ ہیں۔ یاد رہے کہ عمانی شاہی فرمان نمبر 29/2018 اور وزارتی قرارداد نمبر 292/2020 کے مطابق غیر ملکیوں کی جائیدادوں کی ملکیت جاری کردہ انتظامی ضوابط کے خلاف تعصب ظاہر کیے بغیر کی جانی چاہیے جس میں ان علاقوں کی فہرست دی گئی ہے جہاں سلطنت میں غیر ملکیوں کو جائیداد کی ملکیت سے منع کیا گیا ہے۔
