جسمانی درد کی گولیاں پھانکنے کی بجائے یہ طریقے استعمال کریں

کویت اردو نیوز 02 نومبر: جسمانی درد کے باعث کھائی جانی والی درد کش ادویات درد کو کم کرنے ساتھ ساتھ جسم کو نقصان بھی پہنچاتی ہیں۔حتی الامکان یہی کوشش کرنی چاہیئے کہ ادویات کا ستعمال کم سے کم کیا جائے۔

یہاں پر کچھ گھریلو طریقے بیان کئے جا رہے پیں جن کی مدد سے جسم کے مختلف اعضاء میں درد کو کم کیا جا سکتا ہے۔

جسمانی تھکاوٹ:

بعض اوقات تھکن یا پھر غیر معیاری طرز زندگی کے سبب ہر عمر کے افراد جسم کے کسی نہ کسی حصے میں درد کی شکایات کے سبب درد کش ادویات استعمال کرتے ہوۓ نظر آتے ہیں ان گولیوں کا مستقل استعمال ان کی صحت کے لیۓ نقصان دہ ثابت ہوسکتا ہے جس وجہ سے اب میڈيکل سائنس کی تحقیقات کے تحت بھی ماہرین کا یہ ماننا ہے کہ ایسی ادویات کے استعمال میں احتیاط ضروری ہو گئی ہے اگر صحت کے حوالے سے کوئی بڑا سبب نہ ہو اور اس کے باوجود جسم کے مختلف درد ہوں تو اس کے علاج کے گھریلو طریقے کچھ اس طرح سے ہوں گے۔

سر درد:

سر میں درد عام طور پر موسم کی تبدیلی ، ڈپریشن یا بعض اوقات معدے کی خرابی کے سبب بھی ہو سکتا ہے جس کو دور کرنے کے لیۓ دو گولیاں پھانکنےکے بجاۓ اس گھریلو ٹوٹکے کا استعمال کریں اور درد سے نجات پائيں۔

ایک کپ پانی میں پودینے کے چند پتے ڈالیں اور ٹکڑا دارچینی کا شامل کر کے اس کو دو ابال دیں اور اس قہوہ کو پی لیں ذائقے کے لیۓ اس میں تھوڑی سی شہد بھی شامل کی جا سکتی ہے۔

کمر درد:

اس کا علاج عام طور پر ناقص غذا کے استعمال کے سبب ہر عمر کی خواتین کمر درد سے آہ و زار نظر آتی ہیں ۔ یہ درد پسلیوں سے نیچے کی طرف ہوتا ہے جس کو دور کرنے کے لیۓ انتہائی آسان ٹوٹکا استعمال کیا جا سکتا ہے۔ تربوز کے بیج ، سفید صندل اور چند دانے الائچی کو پیس کر رکھ دیں اور اس کے بعد دن میں دو بار آدھی چاۓ کی چمچ سادہ پانی کے ساتھ استعمال کریں اور درد سے آرام پائيں۔

گردے کے درد کا گھریلو علاج:

گردہ انسان کے جسم کا بہت نازک حصہ ہوتا ہے مگر بعض اوقات پانی کے کم استعمال کے سبب اس میں انفیکشن ہو سکتا ہے جو درد کا سبب بن جاتا ہے جس کے لیۓ بہتر یہی ہے کہ ماہر ڈاکٹر سے مشاورت کر کے مکمل علاج کریں مگر اس کے ساتھ ساتھ اس کی تکلیف سے عارضی طور پر افاقہ کے لیے اس طریقہ علاج کا استعمال مفید ثابت ہو سکتا ہےایک گلاس پانی میں ایک چمچ سفید زیرہ پیس کر اس کو مکس کر لیں اور چھان لیں اس کے بعد اس میں چند قطرے لیموں کے شامل کر کے پی لیں جلد افاقہ ہو جاۓ گا۔

عرق النسا کا درد:

جس کو شیٹیکا کا درد بھی کہتے ہیں انتہائی شدید ہوتا ہے جس کے علاج کے لیۓ ہرمل دانہ جس کو کالا دانہ بھی کہتے ہیں اس کو ایک خاص طریقے سے علاج کریں۔ اس کے علاج کے لیۓ پہلے دن ایک دانہ لیں دوسرے دن دو اس طرح چالیس دن تک ہر روز ایک دانہ بڑھاتے جائيں یہاں تک کہ چالیس دن تک چالیس دانے ہو جائيں ۔ اکتالیسویں دن سے ایک ایک دن کم کرتے جائيں یہاں تک کہ پھر ایک دانے تک پہنچ جائيں، اسی مدت میں درد سے افاقہ ہو جائے گا۔

یاد رہے گھریلو ٹوٹکوں کے استعمال کا کسی صورت یہ مطلب نہیں ہوتا کہ ان پر کلی طور پر انحصار کیا جائے اس کے ساتھ ساتھ ڈاکٹر کا مشورہ اور ان کا علاج بھی ضروری ہوتا ہے۔