سحری اور افطار میں ایسا کیا کھایا جائے جس سے پیاس نہ لگے؟ مفید معلومات

کویت اردو نیوز 20 اپریل: روزے کے دوران جسم گلیکوجن (جگر، پٹھوں اور چربی میں ذخیرہ) کا استعمال کرتا ہے۔ ایک بار جب سحری کے دوران استعمال ہونے والی تمام کیلوریز استعمال ہو جاتی ہیں تو

توانائی فراہم کرتی ہے۔ چونکہ جسم پانی ذخیرہ نہیں کرسکتا، گردے پیشاب میں ضائع ہونے والی مقدار کو کم کرکے زیادہ سے زیادہ پانی کو محفوظ کرنے کی کوشش کی جاتی ہے تاہم بیت الخلا جانے، جلد کے ذریعے، سانس لینے اور پسینہ آنے کی وجہ سے جسم پانی کو ضائع ہونے سے نہیں بچا سکتا۔ رمضان کے دوران زیادہ تر لوگوں کو پانی کی کمی کا سامنا کرنا پڑتا ہے، جو سر درد، تھکاوٹ اور کام پر توجہ مرکوز کرنے میں دشواری کا سبب بن سکتا ہے اس لیے سحری اور افطار کے دوران ضائع شدہ سیالوں کو تبدیل کرنا ضروری ہے۔ کم چکنائی والی، بھرپور غذائیں جیسے سوپ، دہی، پھل اور سبزیوں کا انتخاب کریں جبکہ

نمکین اور محفوظ شدہ کھانے کی چیزوں سے پرہیز کریں کیونکہ یہ پیاس کو تیز کرتی ہیں۔

سحری:

ہلکا اور صحت بخش کھائیں۔ اپنی خوراک میں فائبر سے بھرپور غذائیں شامل کریں جیسے دلیا جو آپ کو پورا دن توانائی بخشے گا۔ سحری میں دہی کا استعمال معدے کو سکون دینے، تیزابیت کو کم کرنے اور بالآخر پانی کی کمی کو روکنے کے لیے فائدہ مند ثابت ہو سکتا ہے۔

کیلا اور سیب دونوں غذا میں اضافہ کرتے ہیں۔ ان پھلوں میں کیلوریز کم ہوتی ہیں اور ضروری غذائیت جیسے فائبر، وٹامن سی اور مختلف اینٹی آکسیڈنٹس زیادہ ہوتے ہیں جو تھکن پر قابو پانے میں مددگار ثابت ہوتے ہیں۔

افطار:

روایتی مشروبات جیسے لبن، خوبانی کا رس، لیمونیڈ، چھاچھ وغیرہ۔ تازہ پھلوں کا رس، کم چکنائی والے دودھ سے بنی پھلوں کی سمودی اور ناریل کا پانی۔ تربوز، سیب، انگور، نارنگی، بیر اور کیلے جیسے پھل جو غذائی اجزاء اور پانی سے بھرپور ہوتے ہیں۔

گوشت کے شوربے پر مبنی روایتی سوپ، دال، پھلیاں اور اناج استعمال کریں جبکہ سادہ پانی ہر گھنٹے تھوڑی مقدار میں لیں۔ یہ ری ہائیڈریٹ کے لیے دنیا کا بہترین مشروب ہے۔