کویت اردو نیوز 06 مئی: لیونل میسی نے گزشتہ روز جمعہ کو سعودی عرب کے غیر مجاز دورے پر جانے سے معذرت کی ہے جس کی وجہ سے ارجنٹائن کے ورلڈ کپ جیتنے والے کپتان لیونل میسی کو ان کے کلب پیرس سینٹ جرمین نے معطل کردیا۔
میسی نے اپنے انسٹاگرام اکاؤنٹ پر پوسٹ کی گئی ایک ویڈیو میں کہا کہ ’’میں واضح طور پر اپنے ساتھیوں اور کلب سے معافی مانگنا چاہتا ہوں۔‘‘
انہوں نے کہا کہ "میں نے سوچا کہ ہم میچ کے بعد ایک دن چھٹی لیں گے جیسا کہ پچھلے ہفتوں میں ہوا تھا۔ "میں نے سعودی عرب کے اس دورے کا اہتمام پہلے بھی منسوخ کر دیا تھا۔ اس بار میں اسے منسوخ نہیں کرنا چاہتا تھا۔ میں اپنے کیے پر معذرت خواہ ہوں اور میں انتظار کر رہا ہوں کہ کلب کیا فیصلہ کرتا ہے۔”
دوسری جانب ارجنٹینا کے ورلڈ کپ جیتنے والے کپتان کے قریبی ذرائع نے جمعرات کو رائٹرز کو بتایا کہ لیونل میسی کو اگلے سیزن میں سعودی عرب کے کلب "الہلال” میں شامل ہونے کی باضابطہ پیشکش موصول ہوئی ہے۔
ذرائع نے مزید کہا کہ سعودی کلب کی جانب سے اب تک صرف ایک ہی پیشکش میسی کو موصول ہوئی ہے۔ ارجنٹائن کے میڈیا نے اطلاع دی ہے کہ اس پیشکش کی مالیت تقریباً 400 ملین ڈالر سالانہ ہے تاہم الہلال نے عام کاروباری اوقات سے باہر تبصرہ کرنے کی درخواست کا فوری طور پر جواب نہیں دیا۔
خیال رہے کہ عالمی چیمپئن 2023 ارجنٹائن کی قومی فٹبال ٹیم کے کپتان اور لیونل میسی کچھ روز قبل اپنے اہل خانہ کے ساتھ سعودی عرب میں چھٹیاں گزارنے گئے جس کی تصاویر سوشل میڈیا پر خوب وائرل ہوئیں۔
میسی اور ان کے خاندان نے سعودی تاریخی شہر Diriyah کا دورہ کیا اور سعودی عرب کی ثقافتی روایات کا تجربہ کیا جس میں ثقافتی لباس دیکھنا اور سعودی ورثے کے بارے میں جاننا شامل تھا۔
اس کے علاوہ انہوں نے "بولیوارڈ میں نیو ریاض” میں بھی وقت گزارا جہاں وہ ریاض کی رات کی زندگی، کھیلوں، تفریح اور کھانے خوب لطف اندوز ہوئے۔
