کویت اردو نیوز : آسٹریلیا نے چھٹی بار آئی سی سی ورلڈ کپ جیت لیا۔ آسٹریلوی اوپنر ٹریوس ہیڈ نے شاندار سنچری بنا کر ٹیم کی جیت میں مرکزی کردار ادا کیا۔ فائنل ہارنے کے بعد بھارت کا سب سے بڑا نریندر مودی سٹیڈیم سوگ میں ڈوب گیا۔
میگا ایونٹ کا فائنل احمد آباد کے نریندر مودی اسٹیڈیم میں کھیلا گیا۔ آسٹریلوی کپتان پیٹ کمنز نے ٹاس جیت کر باؤلنگ کا فیصلہ کیا۔
فائنل میں آسٹریلیا کے باؤلنگ اٹیک کے سامنے ہندوستان 240 رنز پر ڈھیر ہوگیا۔ بھارت کے 241 رنز کے ہدف کے تعاقب میں آسٹریلوی اوپنر ٹریوس ہیڈ نے شاندار سنچری بنا کر ٹیم کی جیت میں مرکزی کردار ادا کیا۔
کینگروز کی جانب سے 47 رنز پر 3 وکٹیں گنوانے کے باوجود اوپنر ٹریوس ہیڈ نے مرد بحران کا کردار ادا کیا اور شاندار سنچری اسکور کی جب کہ مارنوس لابوشین نے بھی ان کا بھرپور ساتھ دیا۔
ٹریوس ہیڈ اور مارنس لیبسچین نے ایک ساتھ مل کر آسٹریلیا کو فتح کے راستے پر گامزن کیا۔ اور کینگروز نے چھٹی بار کرکٹ ورلڈ کپ جیت لیا۔
اس سے قبل آسٹریلیا کے 16 رنز کے مجموعی سکور پر ڈیوڈ وارنر 7 رنز بنا کر آؤٹ ہوئے، مچل مارش 41 کے مجموعی سکور پر 15 رنز بنا کر پویلین لوٹ گئے، جب کہ اسٹیون اسمتھ بھی 47 کے مجموعی سکور پر4 اسکور بنا کر چلتے بنے ۔
اس سے قبل آسٹریلوی گیند بازوں کی نپی بولنگ کے سامنے ہندوستانی بلے باز مشکل میں نظر آئے اور پوری ٹیم مقررہ 50 اوورز میں 240 رنز پر ڈھیر ہوگئی۔
بھارت کی جانب سے کے ایل راہول نے 66، ویرات کوہلی نے 54 رنز اور کپتان روہت شرما نے 47 رنز بنائے جب کہ شریاس آئر نے 18 رنز بنائے۔
کینگروز کی جانب سے مچل اسٹارک نے 3، جوش ہیزل ووڈ اور پیٹ کمنز نے 2، 2 اور ایڈم زمپا اور گلین میکسویل نے ایک ایک وکٹ حاصل کی۔
اس سے قبل جب بھارت نے اننگز کا آغاز کیا تو پہلی وکٹ 30 رنز پر گری، جب شبمن گل 4 رنز بنا کر مچل اسٹارک کے ہاتھوں کیچ آؤٹ ہوئے۔ روہت شرما 47 رنز بنا کر میکسویل کا شکار بنے، ان کے بعد شریاس آئر بھی 4 رنز بنا کر آؤٹ ہوئے۔
بھارتی ٹیم کا پانچواں نقصان 178 رنز کے مجموعی سکور پر ہوا جب رویندرا جدیجا 9 رنز کی اننگز کھیلنے کے بعد پویلین لوٹ گئے۔
بھارت کی چھٹی وکٹ 66 رنز پر لوکیش راہول کے حصے میں آئی۔
آسٹریلیا کے خلاف بھارت کی ساتویں وکٹ 211 رنز پر گری، محمد شامی 6 رنز بنانے کے بعد پویلین لوٹ گئے۔
بھارت کی آٹھویں وکٹ بھمرا کی گری جو صرف تین گیندوں پر ایک رن بنانے کے بعد پویلین لوٹ گئے۔
بھارت کی نویں وکٹ سوریا کمار یادیو کے حصے میں آئی جو 18 رنز بنانے کے بعد پویلین لوٹ گئے۔
ورلڈ کپ کا فائنل احمد آباد کے نریندر مودی اسٹیڈیم میں کھیلا جارہا ہے جس میں 132,000 تماشائیوں کی گنجائش ہے۔
آسٹریلیا ورلڈ کپ کی تاریخ کی سب سے مضبوط ٹیم ہے، اس نے آٹھویں بار ورلڈ کپ کا فائنل کھیل کر چھ بار ٹائٹل جیتا اور تین بار ٹورنامنٹ میں رنر اپ رہا، بھارت دو بار عالمی چیمپئن رہ چکا ہے۔
ہندوستان میں جاری ورلڈ کپ میں پانچ مرتبہ کی چمپئن آسٹریلیا کی شروعات اچھی نہیں رہی، پہلے دو میچوں میں میزبان ہندوستان اور پھر جنوبی افریقہ سے ہار گئی۔
پاکستان کے خلاف تیسرا میچ ہوا تو آسٹریلیا تال میں آگیا، یہاں سے آسٹریلوی ٹیم کی جیت کا سفر شروع ہوا، پھر نہ رکا، لگاتار آٹھ فتوحات حاصل کرکے آسٹریلیا فائنل میں پہنچ گیا۔ آسٹریلیا نے سیمی فائنل میں جنوبی افریقہ کو شکست دے کر آٹھویں بار فائنل کھیلنے کا اعزاز حاصل کیا ہے۔
آسٹریلیا نے 1987، 1999، 2003، 2007 اور 2015 میں میگا ایونٹ جیت کر کرکٹ پر راج کیا، جب کہ 2003 کے ورلڈ کپ فائنل میں آسٹریلیا نے بھارت کو شکست دے کر ورلڈ کپ کا تاج اپنے نام کیا۔
