سعودی خاتون نے 70سال کی عمر میں گریجویٹ ڈگری حاصل کرلی۔

کویت اردو نیوز، 7جون: سعودی عرب میں 70 سالہ خاتون نے گریجویشن کر لی۔ خاتون سلوی العمانی کا کہنا ہے کہ 46 سال تعلیم سے دور رہنے کے بعد دوبارہ تعلیم کا سلسلہ شروع کیا اور کامیابی سے ہمکنار ہوتے ہوئے ڈگری حاصل کرلی۔

70 سالہ سعودی خاتون سلوی العمانی نے کہا کہ کم عمری میں شادی ہونیکی وجہ سے وہ تعلیم حاصل کرنیکا اپنا خواب پورا نہ کرسکیں کیونکہ شادی کے بعد گھریلو مصروفیات نے گھیر لیا۔ انہوں نے کہا کہ ہائیر سیکنڈری ایجوکیشن کا امتحان تقریبا 46 سال قبل پاس کیا تھا۔

حصول تعلیم کے اس شوق نے سلوی کو ایک اور موقع فراہم کیا اور انہوں نے امام عبدالرحمن بن فیصل یونیورسٹی سے امتیازی نمبروں میں بی اے کی ڈگری حاصل کرلی ۔

سلوی العمانی کی گریجویشن پر ان کے اہل خانہ سمیت اہل علاقہ نے بھی بھرپور خوشی کا اظہار کیا ہے۔