کویت اردو نیوز ، 4 اکتوبر 2023 : ٹیکنالوجی کمپنی گوگل نے چند روز قبل پوڈ کاسٹ فیچر ختم کرنے کے اعلان کے بعد ایک اور فیچر ختم کرنے کا اعلان کردیا ہے۔
ورک اسپیس پر ایک پوسٹ کے مطابق، کمپنی نے وائٹ بورڈنگ ایپ جیم بورڈ کو 2024ء کے آخر میں ختم کرنے کا فیصلہ کیا ہے۔
Jamboard ایک ڈیجیٹل وائٹ بورڈ سروس ہے جو غیر موجود لوگوں کے ساتھ آن لائن تعاون کی اجازت دیتی ہے۔
گوگل کے مطابق، دیگر وائٹ بورڈ سروسز جیسے FigJam، Lucid Spark اور Miro ورک اسپیس صارفین کے لیے بہتر کام کر رہی ہیں۔ گوگل اب ان کمپنیوں کے ساتھ ورک اسپیس سروسز گوگل میٹ، ڈرائیو اور کیلنڈر کو آگے لانے کے لیے کام کرے گا۔
جیم بورڈ ایپ کو ختم کرنے کے ساتھ ساتھ، گوگل اپنے $5,000 55 انچ ڈیوائس کے لیے سپورٹ بھی ختم کر رہا ہے۔ اس ہارڈ ویئر کی اپ ڈیٹس 30 ستمبر سے روک دی گئی ہیں۔
