کویت اردو نیوز ، 4 اکتوبر 2023 : بھارتی ریاست مہاراشٹر کے ضلع واشم میں ایک عجیب واقعہ پیش آیا جہاں ایک بھینس نے چارہ کھاتے ہوئے خاتون کا منگل سوتر نگل لیا۔
غیر ملکی میڈیا رپورٹس کے مطابق منگل سوتر کا وزن 25 گرام تھا جس کی قیمت تقریباً ڈیڑھ لاکھ روپے ہے۔
منگل سوتر نکالنے کے لیے بھینس کا آپریشن کیا گیا۔ ویٹرنری افسر بالاصاحب کاؤندانے کہا کہ میٹل ڈیٹیکٹر کی مدد سے بھینس کے پیٹ میں منگل سوتر کی موجودگی کی تصدیق ہوئی اور پھر آپریشن کیا گیا۔
ویٹرنری آفیسر کے مطابق بھینس کے پیٹ پر آپریشن 2 گھنٹے تک جاری رہا اور اس میں 60 سے 65 ٹانکے لگے۔ انہوں نے پالتو جانوروں کو کھانا کھلاتے وقت احتیاط برتنے کی ہدایت کی ہے ۔
اس سے قبل ریاست ہریانہ میں بھی ایسا ہی ایک واقعہ پیش آیا جب ایک گائے نے تقریباً 40 گرام سونا نگل لیا۔
