سعودی عرب نے افغان باشندوں سے 12 ہزار پاکستانی پاسپورٹ بر آمد کرلیے

کویت اردو نیوز ، 13 اکتوبر 2023: مملکت سعودی عرب میں افغان باشندوں کی بڑی تعداد سے پاکستانی پاسپورٹ قبضے میں لیے گئے ہیں ، جب کہ پاکستانی اداروں ڈائریکٹوریٹ آف پاسپورٹ اور ایف آئی اے نے معاملے کی تحقیقات شروع کردی ہیں۔

سعودی عرب نے 12 ہزار پاکستانی پاسپورٹ برآمد کیے ہیں ، جعلی پاسپورٹ بنانیوالے گروہ کے مرکزی ملزم کا تعلق لاہور سے ہے جب کہ پاسپورٹ ڈائریکٹوریٹ اسلام آباد کے ایک حاضر سروس ملازم اور ایک ریٹائرڈ ملازم کو بھی گرفتار کر لیا گیا ہے۔

افغان شہریوں کو جعلی شناختی کارڈ پر پاکستانی پاسپورٹ جاری کیے گئے تھے ،پاکستانی پاسپورٹ اینڈ امیگریشن حکام کے مطابق معاملے کی مکمل چھان بین کی جا رہی ہے۔