اسرائیل کاغزہ میں اقوام متحدہ کےاسکول پرحملہ، 15 افراد ہلاک

کویت اردو نیوز : شمالی غزہ میں جبالیہ پناہ گزین کیمپ سے بے گھر افراد کو پناہ دینے والے اقوام متحدہ کے زیر انتظام اسکول پر اسرائیلی فضائی حملے میں کم از کم 15 افراد ہلاک اور درجنوں زخمی ہوگئے۔

برطانوی خبر رساں ادارے رائٹرز کے مطابق الشفاء ہسپتال کے سربراہ محمد ابو سلمیہ نے ہفتے کے روز بتایا کہ ’15 افراد ہلاک ہو چکے ہیں اور ہلاکتوں کی تعداد میں اضافے کا خدشہ ہے‘۔

اس سے قبل جمعہ کو اسرائیل نے شمالی غزہ سے زخمیوں کو لے جانے والی ایمبولینس پر فضائی حملہ کیا تھا جس میں 15 افراد ہلاک اور 60 زخمی ہوئے تھے۔