کویت اردو نیوز : انگلینڈ کے شہر ووڈسٹاک میں بلینیم پیلس سے 18 کیرٹ سونے کا کموڈ چوری کرنے کے الزام میں چار افراد پر فرد جرم عائد کی گئی ہے۔
غیر ملکی میڈیا کے مطابق کراؤن پراسیکیوشن سروس نے 35 سے 39 سال کی عمر کے 4 افراد پر ٹوائلٹ چوری کرنے پر فرد جرم عائد کی۔ پراسیکیوٹر کے مطابق چاروں ملزمان 28 نومبر کو آکسفورڈ مجسٹریٹس کی عدالت میں پیش ہوں گے۔
ٹوائلٹ 18 کیرٹ سونے سے بنا ہے اور اس کی مالیت 4.8 ملین پاؤنڈ اور 5.95 ملین ڈالر (پاکستانی روپے میں 1 ارب 70 کروڑ روپے سے زائد) ہے۔ یہ کموڈ چار سال قبل ستمبر 2019ء میں بلینیم پیلس سے چوری ہوا تھا۔
یہ بیت الخلا (کموڈ) اطالوی آرٹسٹ ماریزیو کاتالان کے ایک فن پارے کا حصہ تھا، جو اٹلی سے تعلق رکھنےوالے ایک تصوراتی فنکارہے ، بیت الخلاکوبلینیم پیلس میں آرٹ کی نمائش میں رکھاگیاتھا۔
دلچسپ بات یہ ہے کہ یہ ‘گولڈن ٹوائلٹ’ چوری ہونے سے پہلے مکمل طور پر فعال تھا اور نمائش میں آنے والے افراد منفرد ٹوائلٹ استعمال کرنے کے لیے تین منٹ کا ٹائم سلاٹ بک کر سکتے تھے۔
یہ 18 کیرٹ سونے کا کموڈ عالمی ثقافتی ورثہ ہے اور ونسٹن چرچل کی جائے پیدائش بھی۔ 18ویں صدی میں تعمیر کیا گیا یہ وسیع محل یونیسکو کے عالمی ثقافتی ورثے میں شامل ہے۔
پولیس کے مطابق بیت الخلا محل کے پلمبنگ سسٹم سے جڑا ہوا تھا، جسے ہٹاتے وقت تاریخی عمارت کو کافی نقصان پہنچا۔ ٹوائلٹ چوری ہونے پر سات افراد کو گرفتار کیا گیا تھا، لیکن ان کے خلاف کوئی الزام عائد نہیں کیا گیا۔
