کویت اردو نیوز : فلسطینی مزاحمتی تحریک حماس کے عسکری ونگ القسام بریگیڈز کی جانب سے جاری کردہ اسرائیلی خاتون دنیال اور اس کی چھوٹی بیٹی ایمیلیا کا خط منظر عام پر آیا ہے۔
مغربی طاقتوں کے کہنے پر اسرائیل نے محصور غزہ پر بمباری کی اور یہ فضائی، سمندری اور بحری حملے 44 دن سے زائد جاری رہے۔
اسرائیلی حملوں میں 14500 سے زائد فلسطینی شہید ہوئے جن میں بچے اور خواتین بھی شامل ہیں۔
کئی روز کی بمباری کے بعد اسرائیل نے 3 روز قبل جنگ بندی کا اعلان کیا تھا اور آج اسرائیل اور حماس کے درمیان جنگ بندی کا آخری دن تھا تاہم عارضی جنگ بندی میں مزید 2 روز کی توسیع کر دی گئی ہے۔
دریں اثناء حماس نے اب تک 58 یرغمالیوں کو رہا کیا ہے جن میں 39 اسرائیلی شہری بھی شامل ہیں جب کہ اسرائیل نے 117 فلسطینی خواتین اور بچوں کو رہا کیا ہے۔
حماس کی طرف سے رہائی پانے والی اسرائیلی ماں اور بیٹی کا شکریہ کا خط سامنے آیا ہے جس میں اسرائیلی یرغمال دنیال نے قید کے دوران القسام بریگیڈ کے جنگجوؤں کی مہربانیوں کی تعریف کی ہے۔
میری بیٹی نے خود کو غزہ میں ملکہ سمجھا، حماس کی قید سے آزاد ہونے والی اسرائیلی خاتون کی مہربانی سے متاثر عبرانی زبان میں لکھے گئے خط میں خاتون نے لکھا، ‘مجھے لگتا ہے کہ آنے والے دنوں میں ہم ایک دوسرے سے الگ ہو جائیں گے لیکن میں اپنی بیٹی کے ساتھ آپ کی مہربانی اور محبت کے لیے دل کی گہرائیوں سے آپ سب کا شکریہ ادا کرتی ہوں۔
اسرائیلی قیدی نے مجاہدین کو لکھا کہ تم نے اس کے ساتھ والدین جیسا سلوک کیا، اسے اپنے کمروں میں مدعو کیا اور اسے احساس دلایا کہ تم نہ صرف اس کے دوست ہو بلکہ اس سے محبت کرنے والے بھی ہو، اس سب کے لیے تمہارا شکریہ۔ جب آپ گھنٹوں ہمارا خیال رکھتے تھے۔
خط کے متن کے مطابق صبر کرنے کا شکریہ اور ہم پر مٹھائیاں، پھل اور جو کچھ میسر تھا ان سے نوازنے کا بھی شکریہ، اگر وہ میسر نہ بھی ہوں تو بچے جیل میں رہنا پسند نہیں کرتے، لیکن آپ کا اور تمام لوگوں کا شکریہ۔
خاتون نے مزید لکھا کہ ‘میری بیٹی غزہ میں خود کو ملکہ سمجھتی تھی اور توجہ کا مرکز تھی، اس دوران میں مختلف عہدوں پر لوگوں سے رابطے میں رہی اور وہ سب ہمارے ساتھ پیار، مہربانی اور نرمی سے پیش آئے۔ میں شکر گزار ہوں کیونکہ ہم یہاں سے کسی غم کے ساتھ نہیں جا رہے ہیں۔
اسرائیلی خاتون کے خط کے متن کے مطابق میں سب کو آپ کی مہربانی کے بارے میں بتاؤں گی جو آپ نے غزہ میں مشکل حالات اور نقصانات کے باوجود ہم پر دکھائی ہے۔
خط کے آخر میں اسرائیلی خاتون نے مجاہدین اور ان کے اہل خانہ کی صحت و تندرستی کے لیے دعا کی ہے۔
