کویت اردو نیوز : بنکاک سے لندن جانےوالی پرواز کے دوران ایک مسافر نےخودکشی کی کوشش کی، جس کے باعث طیارے کو ہنگامی لینڈنگ کروانا پڑی ۔
طیارے کی ہنگامی لینڈنگ کے بعد مسافر کو فوری طور پر اسپتال لے جایا گیا، جہاں اس کی حالت تشویش ناک بتائی گئی ہے لیکن مسافر کی شناخت تاحال ظاہر نہیں کی گئی اور نہ ہی خودکشی کی کسی وجہ کے بارے میں کچھ بتایا گیا ہے ۔
ایوا ایئر لائن کی انتظامیہ نے اس واقعہ کی تصدیق کی ہے لیکن فی الحال تفصیلات فراہم نہیں کیں اور نہ ہی واقعےپر تبصرہ کرنےکی درخواستوں کاجواب دیا۔
غیر ملکی خبر رساں ادارے کے مطابق طیارے میں سوار ایک ڈاکٹر نے طبی امداد دے کر طیارے کے باتھ روم میں خودکشی کی کوشش میں زخمی ہونے والے ایک مسافر کی جان بچا لی ہے ۔
دوسری جانب ہیتھرو ایئرپورٹ انتظامیہ کا کہنا ہے کہ ایوی ایشن نے واقعے کی تحقیقات کے لیے تحقیقاتی کمیٹی تشکیل دے دی ہے، جو رپورٹ آنے کے بعد میڈیا کو آگاہ کرے گی۔
