کویت اردو نیوز : سعودی محکمہ پاسپورٹ نے ایک ماہ کے دوران اقامہ، ملازمت اور سرحدی امن کے قوانین کی خلاف ورزی کرنے والے 17,889 سعودی شہریوں اور مقیم غیر ملکیوں کے خلاف کارروائی کی ہے۔
عاجل نیوز کے مطابق محکمہ پاسپورٹ نے ایک بیان میں کہا کہ "خلاف ورزیوں پر قید، جرمانے اور ملک بدری کی سزاؤں کا فیصلہ کیا گیا ہے”۔
محکمہ پاسپورٹ نے مقامی شہریوں اور مقیم غیر ملکیوں سے مزید کہا کہ وہ غیر قانونی افراد کو سفر، ملازمت، رہائش، پناہ یا کسی بھی قسم کی مدد فراہم کرنے سے گریز کریں۔
اس سے قبل سعودی محکمہ پاسپورٹ نے سعودی شہریوں اور مقیم غیر ملکیوں سے کہا تھا کہ اگر ابشر کے ذریعے ان کا کوئی کام آن لائن نہیں ہو سکتا تو ایسی صورت حال میں وہ دفاتر جانے سے پہلے (تواصل ) سروس استعمال کریں۔
خبر رساں ایجنسی ایس پی اے کے مطابق محکمہ پاسپورٹ نے ایک بیان میں یہ بھی کہا ہے کہ ‘امیدوار ابشر کے ذریعے مواصلاتی سروس سے فائدہ اٹھا سکتے ہیں’۔
ابشر اکاؤنٹ پر جائیں اور (سروس) کا آپشن منتخب کریں۔ خاص طور پر محکمہ پاسپورٹ کی نشاندہی کی جائے اور پھر کمیونیکیشن سروس کا انتخاب کیا جائے۔
متعلقہ فیلڈ اور ضرورت کی وضاحت کرتے ہوئے اپنی درخواست جمع کروائیں اور مطلوبہ دستاویزات منسلک کریں۔
محکمہ پاسپورٹ کا کہنا ہے کہ ‘ایسا کرنے کی صورت میں امیدوار کو محکمہ پاسپورٹ کے دفتر جانے کی ضرورت نہیں ہوگی’۔