کویت اردو نیوز : فلسطینی بچی کی شہادت سے قبل لکھی گئی ڈائری کا صفحہ سوشل میڈیا پر خوب وائرل ہورہا ہے۔
غزہ میں اسرائیلی حملوں اور بمباری کے دوران ایک 11 سالہ بچی بھی شہید ہو گئی۔
اسرائیل نے المغازی کیمپ پر بمباری کی جہاں سیلہ اپنے خاندان کے ساتھ موجود تھی۔
میڈیا رپورٹس کے مطابق سیلہ کے علاوہ اس کے چھوٹے بہن بھائی 8 سالہ ہالا، 6 سالہ لین اور 5 سالہ حسین بھی اس حملے میں شہید ہوئے۔
سیلہ نے اپنی شہادت سے صرف ایک دن پہلے ڈائری میں اندراج لکھا تھا، جو ان کی موت کے بعد سے سوشل میڈیا پر وائرل ہو چکا ہے۔
سیلہ نے ڈائری میں لکھا، ‘آج ہفتہ 23 دسمبر 2023 ہے، میں صبح 7:30 بجے اٹھہ اور پھر اپنا بستر صاف کیا لیکن آج بھی ہمیں ناشتہ نہیں ملا۔
ڈائری میں مزید لکھا ہے کہ ‘میں نے دوسرے بچوں کے ساتھ کھیلنا شروع کیا اور ہمیں بہت مزہ آیا۔ اس کے بعد ہم نے ایک ساتھ لنچ کیا جس میں مزیدار پیسٹری اور پیزا شامل تھے۔’
غیر ملکی میڈیا کے مطابق بہن بھائیوں سمیت شہید ہونے والی لڑکی کے اہل خانہ بھی کرسمس سے قبل اسرائیلی جارحیت کا نشانہ بن چکے ہیں۔
