کویت اردو نیوز : ایک سینئر اہلکار نے بدھ کو بتایا کہ دبئی پولیس 31 دسمبر کو شام 4 بجے سے نئے سال کی تقریبات کے لیے سڑکیں بند کرنا شروع کر دے گی۔
دبئی پولیس کے محکمہ ٹریفک سے تعلق رکھنے والے عبدالرحمن عبید جمعہ الفلاسی نے ڈاون ٹاؤن ایریا اور دیگر مشہور مقامات پر آنے والے زائرین اور رہائشیوں کو مشورہ دیا کہ وہ اپنے دورے جلد شروع کریں اور پبلک ٹرانسپورٹ استعمال کریں۔
انہوں نےکہاہےکہ "تمام مقامات پرسڑکوں کی بندش 31 دسمبرکی شام تقریباً 4 بجےشروع ہوجائےگی۔”
الفلاسی کے مطابق اوقات یہ ہیں :
محمد بن راشد بلیوارڈ شام 4 بجے بند ہونا شروع ہو گا۔
فنانشل روڈ کا اپر لیول شام 8 بجے اور نچلی سطح شام 4 بجے بند کر دیا جائے گا۔
الاسائل روڈ بھی شام 4 بجے بند کر دی جائے گی۔
ان سڑکوں سے آنے والی تمام ٹریفک کو شیخ زید روڈ کی طرف موڑ دیا جائے گا۔
انہوں نے مزید کہا کہ دبئی کی آرٹیریل ہائی وے شیخ زید روڈ رات 9 بجے ہر قسم کی ٹریفک کے لیے بند کر دی جائے گی۔
پورے امارات میں، نئے سال کی شام کی تیاریاں زوروں پر ہیں – ایونٹ کمیٹی کے سیکورٹی اور ایکشن پلان میں 32 مقامات کو نشان زد کیا گیا ہے۔ ان میں حطہ، برج خلیفہ، برج العرب، فیسٹیول سٹی، اور دیگر شامل ہیں۔
تقریب کی تیاری کی کمیٹی نے تین ماہ قبل نئے سال کی شام کے منصوبے پر کام شروع کر دیا ہے، جس نے تمام شراکت داروں جیسے روڈز اینڈ ٹرانسپورٹ اتھارٹی، سول ڈیفنس، اور دبئی کارپوریشن برائے ایمبولینس کے ساتھ کئی میٹنگیز کیں۔ کمیٹی میں ابتدائی ، اندرونی اور بیرونی شراکت دار خدمات انجام دے رہے ہیں۔
الفلاسی نے کہا کہ تقریباً 1,300 گاڑیاں دبئی میں تقریبات کے تمام 32 مقامات کا احاطہ کرنے کے لیے تعینات کی جائیں گی۔ نئے سال کے موقع پر سول ڈیفنس، آر ٹی اے اور ایمبولینسز کی مدد کے لیے 10,000 سے زیادہ پولیس افسران اور رضاکار بھی امارات بھر میں تعینات کیے جائیں گے۔
"
