کویت اردو نیوز : ایک عرب میڈیا رپورٹ میں برطانوی اخبارات کا حوالہ دیتے ہوئے کہا گیا ہے کہ یہ افسوسناک واقعہ شمالی انگلینڈ کے ساحلی علاقے سکیگنیس میں ایک رہائشی اپارٹمنٹ میں پیش آیا جہاں 2 سالہ برونسن بیٹرسبی اپنے 60 سالہ والد کینتھ کے ساتھ رہائش پذیر تھے۔
برونسن-بیٹر-سبی کی والدہ نے حال ہی میں اپنے شوہر سے علیحدگی اختیار کر لی تھی، برونسن-بیٹر کو اپنے والد کے ساتھ اپنے اپارٹمنٹ میں رہنے کے لیے چھوڑ دیا تھا، مقامی سماجی خدمات کامحکمہ برونسن اور اسکےوالد کی دیکھ بھال کررہاتھا۔
میڈیا رپورٹس کے مطابق کینتھ کا انتقال 29 دسمبر 2023 کو دل کا دورہ پڑنے سے ہوا، جس کے بعد ان کا دو سالہ بیٹا اپنے والد کی لاش کے پاس اکیلا بھوکا پیاسا مر گیا۔
افسوسناک واقعہ 9 جنوری کو اس وقت پیش آیا جب سماجی کارکن کی بار بار اطلاع پر پولیس نے اپارٹمنٹ کے مالک سے چابی لینے کے بعد گھر کو کھولا تو باپ اور دو سالہ بچہ مردہ پائے گئے۔
ایک برطانوی اخبار کو انٹرویو دیتے ہوئے صدمے میں مبتلا والدہ کا کہنا تھا کہ ان کا اپنے سابق شوہر سے آخری رابطہ 27 دسمبر کو ہوا تھا جب کہ ان کے بیٹے کو آخری بار نومبر 2023 میں دیکھا گیا تھا۔
دوسری جانب کینتھ کے پڑوسی کا کہنا ہے کہ اس نے بچے کو دو ہفتے قبل دیکھا تھا۔
بچے کی والدہ کا کہنا ہے کہ مقامی سماجی کارکن اس کے بیٹے کی موت کے ذمہ دار ہیں کیونکہ اگر وہ اپنا کام کرتے تو برونسن ابھی تک زندہ ہوتا اور بھوکا نہیں رہتا۔
