کویت اردو نیوز : امریکی ریاست پنسلوانیا میں پیش آنے والے انتہائی افسوسناک واقعے میں ایک شہری نے اپنے پڑوسی کو محض اس لیے قتل کر دیا کہ وہ خراٹے کی آواز سے تنگ آ گیا تھا۔
امریکی میڈیا کے مطابق فلاڈیلفیا شہر سے ایک شہری کو اپنے پڑوسی کو چھرا گھونپ کر قتل کرنے پر گرفتار کر لیا گیا ہے۔ 55 سالہ کرسٹوفر جیمز کا 62 سالہ رابرٹ والیس کے ساتھ خراٹے لینے پر طویل عرصے سے جھگڑا تھا۔
پولیس نے بتایا کہ 55 سالہ کرسٹوفر جیمز نے 62 سالہ رابرٹ والیس کو چاقو مار کر ہلاک کر دیا۔ واقعے کے دن، رابرٹ کرسٹوفر سے اس کی اونچی آواز میں خراٹے لینے کی عادت کے بارے میں بات کرنے آیا، جس سے کرسٹوفر کو غصہ آیا اور اس نے فوجی طرز کے ایک بڑے چاقو سے رابرٹ کے سینے پر وار کیا۔
کرسٹوفر نے اپنے بیان میں کہا کہ رابرٹ نے اسے ڈرایا یا دھمکی نہیں دی، پولیس کے مطابق کرسٹوفر کے خراٹے لینے پر دونوں میں جھگڑا ہوا اور رابرٹ نے اس کی وجہ سے پولیس کو کئی کالیں کیں۔
کرسٹوفر نے پولیس کو مزید بتایا کہ رابرٹ جھگڑے کے دوران پرسکون نظر آیا اور معاملہ طے کرنا چاہتا تھا۔ مزید برآں، رابرٹ نے اس کے خراٹے کم کرنے کے لیے اس کی ناک کی سرجری کے لیے رقم ادا کرنے کی پیشکش کی، لیکن یہ سب اسے ایک دھوکےکی طرح لگتا تھا، اس لیے اس نے اسے مار ڈالا۔
