کویت اردو نیوز: جرمنی غیر ملکیوں کو فوج میں بھرتی کرکے شہریت دینے کی اسکیم پر غور کر رہا ہے۔
جرمن حکومت ایک نئی سکیم متعارف کرانے پر غور کر رہی ہے جس کے تحت غیر ملکیوں کو ملک کی فوج میں شمولیت اور مختصر عرصے میں شہریت حاصل کرنے کی اجازت ملے گی۔
ڈی ڈبلیو کے مطابق، جرمنی ابتدائی مرحلے میں یورپی یونین کے ممالک کے شہریوں کو بھرتی کرنے کا ارادہ رکھتا ہے، لیکن ان ممالک سے باہر بھی گنجائش موجود ہے۔
اس منصوبے کا مقصد پانچ سالوں کے اندر جرمن فوج کو تیار کرنا ہے، حکومت غیر ملکیوں کو بھرتی کے بعد فوری طور پر جرمن شہریت دینے پر غور کر رہی ہے، بغیر کسی بڑی رسمی کارروائی کے۔
جرمن وزیر دفاع بورس پسٹوریس نے سب سے پہلے یہ تجویز پیش کی تھی کہ فوج اہلکاروں کی شدید کمی سے نمٹ رہی ہے اور غیر ملکی بھرتی سے ملک کو اس کمی سےنمٹنےمیں مدد مل جائیگی۔
نہ صرف حکومتی وزراء بلکہ دیگر نے بھی اس منصوبے کی حمایت کی کیونکہ فری ڈیموکریٹک پارٹی اور کرسچن ڈیموکریٹک یونین نے بھی اس تجویز سے اتفاق کیا۔
ایف ڈی پی کی رکن میری ایگنس سٹرک زیمرمین نے ڈی ڈبلیو کو بتایا کہ یورپی ممالک سے امیدواروں کو بھرتی کرنے کے علاوہ اس سکیم کو یورپ سے باہر بھی پھیلایا جا سکتا ہے۔
واضح رہے کہ جرمن حکومت نے دوہری شہریت پر عائد پابندی اٹھا کر مزید تارکین وطن کارکنوں کو راغب کرنے کے لیے نیچرلائزیشن کا قانون پاس کیا۔
