کویت اردو نیوز : آپ نے دیکھا ہوگا کہ اگر آپ کسی گاڑی میں سفر کر رہے ہیں تو نشست کے اوپر ایک ہینڈل ہوتا ہے۔کیا آپ جانتے ہیں کہ یہ کسی گاڑی کا وہ اہم حصہ ہے جس کا اصل مقصد بہت کم لوگوں کو معلوم ہوتا ہے۔
ویسے عام طور پر دیکھا گیا ہے کہ یہ ہینڈل ڈرائیورز سیٹ کے اوپر نہیں ہوتا تو پھر اس کا مقصد کیا ہوا؟زیادہ تر لوگوں کا خیال ہے کہ جب گاڑی تیز چل رہی ہو تو اس ہینڈل کو تھامنے کی وجہ سے جسم کو مستحکم رکھنے میں مدد ملتی ہے یا پھر کم از کم تحفظ کا احساس ضرور ہوتا ہے۔
مگر یہ خیال انتہائی غلط ہے اور اسی کے باعث یہ ہینڈل ڈرائیورز کی سیٹ کے اوپر موجود نہیں ہوتا۔گاڑیوں میں موجود اس ہینڈل کا اصل مقصد یہ نہیں بلکہ کچھ ایسا ہے جس کے بارے میں آپ نے کبھی تصور بھی نہیں کیا ہوگا۔
بنیادی طور پر یہ ہینڈل ایسے افراد کیلئے ہوتے ہیں جو کہ کسی جسمانی معذوری کا شکار ہوتے ہیں۔یعنی اگر کوئی شخص وہیل چیئر استعمال کرتا ہے تو وہ اس ہینڈل کو پکڑ کر گاڑی کے اندر بیٹھ سکتا ہے یا پھر گاڑی سے باہر نکل سکتا ہے۔
اسی طرح اگر کسی شخص کی ٹانگیں کمزور ہوں اور سفر کے دوران وہ شخص اپنے جسم کو مستحکم حالت میں نہیں رکھ سکتا تو وہ اس ہینڈل کو تھام کر خود کو درست پوزیشن میں رکھ سکے گا۔
ایسے ہی عام لوگ بھی اس ہینڈل کی مدد سے گاڑی سے باہر نکلنے کیلئے یا گاڑی میں بیٹھنے کیلئے اپنی ٹانگوں پر زور ڈال سکتے ہیں۔آسان الفاظ میں کہہ سکتے ہیں کہ یہ ہینڈل گاڑی میں چڑھنے یا گاڑی سے کیلئے مدد فراہم کرتے ہیں اور یہی ان کا اصل مقصد ہوتا ہے۔
