کویت اردو نیوز : پی آئی اے نے عمرہ زائرین سمیت سعودی عرب کے لیے کرایوں میں کمی کردی ۔
عمرہ زائرین ، سعودی باشندوں اور ورک ویزہ رکھنے والوں کے لیے خوشخبری ہے کیوں کہ پی آئی اے نے خلیجی ریاست کے لیے کرایوں میں کمی کا اعلان کیا ہے۔
کرایوں میں کمی کا اطلاق 7 اپریل سے 11 اپریل تک ہوگا، پی آئی اے کی اکانومی کلاس کے کرایوں میں 50 ہزار روپے کی کمی کی گئی ہے۔
ذرائع کے مطابق عمرہ زائرین کے کرایوں میں 20 فیصد جب کہ سعودی باشندوں اور ورک ویزا رکھنے والوں کے کرایوں میں 30 فی صد کمی کی گئی ہے۔
دوسری جانب جدہ، مدینہ جانے والے 7 سے 11 اپریل تک مستفید ہو سکیں گے، ریاض، دمام جانے والے بھی 11 اپریل تک مستفید ہو سکیں گے۔ جبکہ لاہور ریجن سے اکانومی کلاس کا کرایہ 1 لاکھ 3 ہزار 680 روپے مختص کیا گیا ہے۔ کراچی ریجن کے عمرہ زائرین کے کرایوں کے لیے 95 ہزار 400 روپے مختص کیے گئے ہیں۔
