کویت اردو نیوز ، 31 اکتوبر 2023 : عرفی جاوید کو اپنے منفرد فیشن چوائسز کی وجہ سے اکثر تنقید کا سامنا کرنا پڑتا ہے، ہالووین کے لیے عرفی جاوید کا یہ نیا انتخاب انہیں مہنگا بھی پڑا۔
حال ہی میں عرفی جاوید نے ہالووین 2023 کے لیے مقبول فلم ‘بھول بھلیا’ سے راجپال یادیو کا روپ دیا، جس کے لیے انھیں جان سے مارنے کی دھمکیاں ملیں۔
‘بگ باس او ٹی ٹی’ فیم اداکارہ نے سوشل نیٹ ورکنگ سائٹ ایکس پر موصول ہونے والی دھمکی آمیز ای میلز کے اسکرین شاٹس شیئر کیے۔
تصویریں شیئر کرتے ہوئے انہوں نے لکھا، ‘میں اس ملک کے لوگوں سے حیران ہوں، مجھے کسی فلم کے کردار کو دوبارہ بنانے پر جان سے مارنے کی دھمکیاں مل رہی ہیں جب کوئی فلم میں وہ کردار ادا کر رہا ہے۔ تب کوئی ردعمل نہیں تھا۔’
عرفی جاوید نے فلم میں راجپال یادو کے کردار ‘پنڈت’ سے متاثر ہوکر اپنی ایک ویڈیو پوسٹ کی۔ اس نے اپنے چہرے کو سرخ کرتے ہوئے نارنجی رنگ کی دھوتی کے ساتھ سرخ ٹاپ پہنا تھا۔ گلے میں گیندےکا ہار بھی تھا۔
عرفی جاوید کی ویڈیو تیزی سے وائرل ہو گئی جس کی وجہ سے انہیں جان سے مارنے کی دھمکیاں ملیں۔
ایک ای میل میں نکھل گوسوامی نامی شخص کو اداکارہ کو دھمکیاں دیتے ہوئے دیکھا جا سکتا ہے، اداکارہ سے ویڈیو ڈیلیٹ کرنے کے لیے کہا اور جان سے مارنے کی دھمکی دی گئی۔
ایک اور ای میل میں روپیش کمار نامی شخص نے لکھا کہ وہ ہندو مذہب کو بدنام کر رہی ہے، انہوں نے مزید کہا کہ ’اپنی زندگی جیو ورنہ میں تمہیں چوراہے پر گولی مار دوں گا۔
