کویت اردو نیوز 03 دسمبر: سوشل میڈیا سائٹ ٹویٹر نے معروف امریکی ریپر کنی ویسٹ کا اکاؤنٹ "تشدد پر اکسانے” کے لیے معطل کر دیا کیونکہ اس نے اسٹار آف ڈیوڈ کے ساتھ جڑے ہوئے سواستیکا کی تصویر اور ہٹلر کی تعریف کی۔
ٹوئٹر کے نئے مالک ایلون مسک نے کنی ویسٹ کی جانب سے شائع کردہ تصویر اور نازی و یہودی نعروں کے اجتماع پر تبصرہ کرتے ہوئے کہا کہ "صرف واضح کرنے کے لیے، اس کا اکاؤنٹ تشدد پر اکسانے کی وجہ سے معطل کر دیا گیا ہے”۔
مسک، جو گزشتہ اکتوبر سے ٹوئٹر کے مالک اور صدر بن چکے ہیں، مسلسل مکمل آزادی کا مطالبہ کر رہے ہیں۔ کنی ویسٹ، جسے یہود مخالف تبصروں کے بعد شدید مخالفت کا سامنا ہے،
نے جمعرات کو "انفارمیشن وارز” پروگرام میں انتہائی دائیں بازو کے صحافی الیکس جونز کے ساتھ ایک اشتعال انگیز انٹرویو کے دوران نازی جرمنی کے رہنما ایڈولف ہٹلر کے لیے تعریف کا اظہار کیا”۔
کنی ویسٹ نے اس انٹرویو کے دوران ایک سے زیادہ بار دہرایا، "میں ہٹلر سے پیار کرتا ہوں” ویسٹ کے الفاظ سے سوشل نیٹ ورکس پر شدید مذمت کی لہر دوڑا دی۔
اس انٹرویو کے چند گھنٹے بعد ٹوئٹر کے سربراہ نے سوشل نیٹ ورک پر دونوں افراد کے درمیان تبادلے کے بعد ویسٹ کا اکاؤنٹ معطل کرنے کا اعلان کیا، جس کے حقائق بعد میں ریپر کی جانب سے سامنے آئے۔ ٹویٹر کے سربراہ نے ایک نجی پیغام میں لکھا کہ "معذرت، لیکن آپ بہت دور چلے گئے، یہ محبت نہیں ہے”۔ ویسٹ نے ایلون مسک کو چیلنج کرتے ہوئے جواب دیا کہ "آپ کو جج کس نے بنایا؟”
I tried my best. Despite that, he again violated our rule against incitement to violence. Account will be suspended.
— Elon Musk (@elonmusk) December 2, 2022
ریپر نے نیم برہنہ ایلون مسک کی پانی میں غوطہ لگاتے ہوئے تصویر بھی شائع کی تھی اور اس پر لکھا تھا کہ ’ہمیں ہمیشہ یاد رکھنا چاہیے کہ یہ میری آخری ٹویٹ ہے۔
