کویت اردو نیوز ، 18 اکتوبر 2023: اسرائیل نے مشہور امریکی ماڈل جیجی حدید کو غزہ میں فضائی حملوں کا نشانہ بننے والے معصوم فلسطینیوں کی حمایت کرنے پر دھمکیاں دینا شروع کر دیں جس کے بعد ماڈل نے اپنا فون نمبر تبدیل کر لیا ہے۔
بین الاقوامی میڈیا رپورٹس کے مطابق امریکی ماڈل گیگی حدید اور ان کے اہل خانہ کو ای میل، سوشل میڈیا اور ان کے فون نمبرز کے ذریعے جان سے مارنے کی دھمکیاں موصول ہوئی ہیں۔
امریکی ماڈل گیگی حدید اور ان کی بہن بیلا حدید نے جان سے مارنے کی دھمکیاں ملنے کے بعد اپنے موبائل فون نمبرز تبدیل کر لیے ہیں جب کہ یہ بھی کہا جا رہا ہے کہ امریکی ماڈل کے والد محمد حدید جان سے مارنے کی دھمکیوں کی رپورٹ ایف بی آئی کو دیں گے۔
امریکی ماڈل گیگی حدید کے والد کا تعلق فلسطین سے ہے، یہی وجہ ہے کہ ان کا خاندان ہمیشہ فلسطین پر اسرائیلی مظالم کے خلاف آواز اٹھاتا ہے۔
