کویت اردو نیوز، ۲۵ مئی: پرتگالی فٹبالر کرسٹیانو رونالڈو اپنی کلب ٹیم النصر کے میچ کے دوران گول کرنے کے بعد زمین پر اللہ پاک کے رو سجدہ ریز ہوگئے۔
گزشتہ روز سعودی پرو لیگ میں الشباب کلب کے خلاف ونرگول کرکے النصر کلب کے ٹائٹل جیتنے کے امکانات روشن ہوگئے جس پرگول کرنے کے بعد رونالڈو کو ان کے ساتھیوں نے گھیر لیا۔
کرسٹیانو رونالڈو نے اس موقع پر زمین پر دو زانو بیٹھ کر سجدے کے انداز میں اپنی پیشانی زمین پر رکھ دی پھر واپس اٹھ کر اپنے روایتی انداز میں گول کرنے کے بعد خوشی کا اظہار کیا۔
سوشل میڈیا پر رونالڈو کی سجدہ کرنے کی ویڈیو خوب وائرل ہوئی جس پر فٹبال شائقین کی جانب سے رونالڈو کے سجدہ کرنے کے فعل کو خوب سراہا بھی گیا۔
Cristiano Ronaldo bowed to Allah after celebrating 🥺🙏
My goat is a Muslim now, beautiful ❤️https://t.co/nH3VoPjzvE
— Nungua Burnaboy (@Views09) May 23, 2023
کرسٹیانیو رونالڈو ایک کیتھولک عیسائی خاندان سے تعلق رکھتے ہیں اورالنصر فٹبال کلب میں شمولیت کے بعد سے وہ سعودیہ عرب کی ثقافت سمیت مذہبِ اسلام میں بھی کافی دلچسپی لے رہے ہیں۔
امسال عید الفطر پر رونالڈو کی جانب سے اپنے چاہنے والوں کو ‘عید مبارک’ کہنے کی ویڈیو بھی وائرل ہوئی تھی۔
اس سے قبل رونالڈو کا ‘رمضان مبارک’ کا پیغام بھی شائقین کی طرف سے خوب پسند کیا گیا تھا۔