افغانستان میں طالبان حکام نے موسیقی کے بےشمار آلات فنکاروں سے ضبط کرکے جلا دیئے

کویت اردو نیوز،2اگست: افغانستان کے صوبے ہرات میں طالبان حکام نے موسیقی کے سینکڑوں آلات بشمول گٹار ، طبلہ اور اسپیکر فنکاروں، موسیقاروں اور فروخت کنندگان سے ضبط کرکے جلا دیئے۔

ہرات میں وزارت امر بالمعروف و نہی عن المنکر کے صوبائی محکمے کے سربراہ عزیز الرحمان المہاجر نے کہا کہ موسیقی کو فروغ دینا اخلاقی بیراہ روی کے زمرے میں آتا ہے ، جس کی وجہ سے نوجوان گمراہی و گناہ کی جانب راغب ہوتے ہیں۔

افغان میڈیا نے اس حوالے سے مزید بتایا کہ محکمہ اخلاقیات کیمطابق موسیقی کے آلات کی فروخت حرام ہے اور اسکے فروخت کنندگان کو کڑی سزا دی جائے گی۔