اسلام آباد سے دوحہ جانیوالی پرواز کے مسافر سے ہیروئن برآمد، ملزم گرفتار

کویت اردو نیوز،30اگست: اسلام آباد انٹرنیشنل ایئر پورٹ پر ایئر پورٹس سیکیورٹی فورس (اے ایس ایف) کے عملے نے کارروائی کے دوران دوحہ جانے والے مسافر کے قبضے سے ہیروئن اور آئس کرسٹل وائٹ ہیروئن سے بھرے دو پیکٹ برآمد کر لیے۔

ترجمان کے مطابق گرفتار ملزم کے برآمد شدہ پیکٹ سے مجموعی طور پر 1.996 کلو گرام ہیروئن اور کرسٹل آئس ضبط کی گئی ہے۔

انہوں نے کہا کہ مسافر تجزیر خان نے ہیروئن بھرے یہ پیکٹ بیگ کی تہہ میں مہارت سے چھپا رکھے تھے تاہم اے ایس ایف کے عملے نے سامان کی تلاشی کے دوران نہایت پروفیشنل مہارت کا مظاہرہ کیا اور منشیات برآمد کر کے اسمگلنگ کی کوششں ناکام بنا دی۔

ترجمان نے یہ بھی کہا کہ ملزم کو ابتدائی تفتیش کے بعد برآمد شدہ منشیات سمیت مزید قانونی کارروائی کے لیے اے این ایف حکام کے حوالے کر دیا گیا ہے۔