کویت اردو نیوز، 16 اکتوبر 2023: بھارتی اداکار پرابھاس نے اپنی میگا تھرلر فلم ’سالار‘ کی ریلیز سے قبل اپنا آفیشل انسٹاگرام اکاؤنٹ ڈیلیٹ کردیا۔
بھارتی میڈیا کے مطابق پربھاس کی آنے والی فلم ’سالار‘ کی دھوم مچی ہوئی ہے جس کے ہدایتکار پرشانت نیل ہیں، یہ فلم بالی ووڈ کنگ شاہ رخ خان کی فلم ’ڈنکی‘ کے ساتھ 22 دسمبر کو ریلیز کی جائے گی، دونوں بڑی فلمیں 22 دسمبر کو ریلیز ہوں گی۔ اسے سینما گھروں میں ریلیز کیا جائے گا۔
رپورٹ میں کہا گیا کہ ‘سالار’ اور ‘ڈنکی’ کی ریلیز پر بھارتی فلم انڈسٹری میں بڑا ٹکراؤ ہوگا کیونکہ شائقین دونوں فلموں کی ریلیز کے لیے بے حد پرجوش ہیں۔
اب بھارتی میڈیا کی جانب سے بتایا گیا ہے کہ اداکار پربھاس نے اپنا آفیشل انسٹاگرام اکاؤنٹ ڈیلیٹ کردیا ہے۔
پربھاس انسٹاگرام سے پراسرار طور پر غائب ہوگئے ہیں، خبر کے وائرل ہونے کے بعد مداحوں کی جانب سے طرح طرح کی قیاس آرائیاں کی جارہی ہیں۔
کچھ سوشل میڈیا صارفین نے دعویٰ کیا کہ ہوسکتا ہے کہ اداکار کا انسٹاگرام اکاؤنٹ ہیک ہو گیا ہو، جب کہ کچھ صارفین کا کہنا تھا کہ اداکار نے شاہ رخ خان کی فلم ’ڈنکی‘ سے ٹکراؤ کے خوف سے اپنا انسٹاگرام اکاؤنٹ ڈیلیٹ کردیا تھا۔
واضح رہے کہ پربھاس کی میگا تھرلر فلم ’سالار‘ کی ریلیز کی تاریخ بھی 22 دسمبر مقرر کی گئی ہے، جو کنگ خان کی ’ڈنکی‘ کے لیے پہلے ہی مخصوص ہے۔
حال ہی میں خبر آئی تھی کہ شاہ رخ خان کی فلم ڈنکی کی ریلیز پربھاس کی فلم سالار کی وجہ سے ملتوی کر دی گئی ہے۔ تاہم اس حوالے سے ‘ڈنکی’ کے فلمساز یا شاہ رخ خان کی جانب سے کوئی بیان سامنے نہیں آیا ہے۔
پربھاس کی فلم بلاک بسٹر فلم ‘کے جی ایف’ کو ہدایت کار پرشانت نیل پروڈیوس کر رہے ہیں، جب کہ ان کی فلم ‘کے جی ایف 2’ کا ٹکراؤ شاہ رخ خان کی فلم ‘زیرو’ سے ہواتھا۔
