کویت اردو نیوز، 23 اکتوبر 2023: بھارت میں باپ نےفرار ہو کر اپنی بیٹی کی ساس سے شادی کر لی اور وہ دونوں دوسرے شہر میں چھپ گئے لیکن صرف ایک ماہ بعد ہی ان کی لاشیں ریلوے کراسنگ سے مل گئیں۔
بھارتی میڈیا کے مطابق اتر پردیش میں 44 سالہ مرد اور 40 سالہ خاتون کی لاشیں ملی ہیں جنہوں نے مبینہ طور پر تیز رفتار ٹرین کے سامنے اپنی زندگی کا خاتمہ کیا۔
وہ دونوں میاں بیوی تھے اور ایک ماہ سے ایک ہی علاقے میں رہ رہے تھے تاہم پڑوسیوں کو ان کے بارے میں زیادہ علم نہیں تھا تاہم پولیس کی تفتیش کے دوران اہم انکشافات ہوئے۔
رام نواس کی 44 سالہ پہلی بیوی کا انتقال ہو گیا تھا اور اس نے چند ماہ قبل اپنی اکلوتی بیٹی کی شادی کی تھی اور وہ اس کے گھر اکثر آتا جاتا تھا جہاں اس نے اپنی بیٹی کی ساس سے دوستی کرلی۔
دونوں میں ایسا رشتہ تھا جو پہلے دوستی اور پھر محبت میں بدل گیا اور دونوں نے فرار ہو کر شادی کرنے کا منصوبہ بنایا۔ 23 ستمبر کو یہ جوڑا فرار ہو کر دوسرے شہر چلا گیا۔
جب بیٹی کے سسر کو پتہ چلا کہ اس کی بیوی کو بھگانے والا کوئی اور نہیں بلکہ سمدھی ہے تو گھر والوں کو شدید شرمندگی ہوئی۔ یہ رشتہ کسی نے قبول نہیں کیا۔
پولیس کا کہنا ہے کہ اسی وجہ سے جوڑے نے ٹرین کے سامنے کود کر اپنی زندگی کا خاتمہ کیا۔
