کویت اردو نیوز ، 24 اکتوبر 2023: عاطف اسلم دنیا کے مشہور پاکستانی گلوکار ہیں اور وہ اپنی مسحور کن آواز سے ملک کو پوری دنیا میں مشہور کر رہے ہیں۔
گلوکار اس وقت امریکہ کے دورے پر ہیں جہاں وہ مختلف امریکی ریاستوں میں اپنی جادوئی آواز سے مداحوں کو محظوظ کر رہے ہیں۔
سوشل میڈیا پر ایک ویڈیو وائرل ہے جس میں ایک شخص کنسرٹ کے دوران گلوکار پر نوٹ پھینکتا ہے جس پر عاطف اسلم کنسرٹ روک دیتے ہیں۔
اس موقع پر گلوکار نے غصے میں آنے کے بجائے مداح سے کہا کہ وہ آئیں اور اپنی رقم اکٹھی کرکے کسی اچھی جگہ عطیہ کریں۔
عاطف کو یہ کہتے ہوئے سنا جا سکتا ہے کہ ‘میں جانتا ہوں کہ آپ امیر ہیں لیکن پیسہ اچھے مقاصد کے لیے استعمال کیا جا سکتا ہے اور اس کا احترام کیا جانا چاہیے’۔
سوشل میڈیا صارفین اپنے محبوب گلوکار کی اس نصیحت کو پسند کر رہے ہیں کہ انہوں نے مداح کو ڈانٹنے کے بجائے بہت اچھا مشورہ دے دیا۔
