منرل واٹر انسانی صحت کے لیے کیوں نقصان دہ ہے، وجہ سامنے آگئی

کویت اردو نیوز ، 3 نومبر 2023 : پانی ہماری زندگی کا ایک لازمی حصہ ہے، انسانی جسم کا 70 فیصد حصہ پانی پر مشتمل ہے، یہی وجہ ہے کہ پانی کو مجموعی صحت کے لیے اہم سمجھا جاتا ہے۔

زمانہ قدیم سے گھروں میں پانی اُبالا جاتا تھا لیکن جیسے جیسے دنیا آگے بڑھ رہی ہے اب اُبلے پانی کے بجائے منرل واٹر کا استعمال فروغ پا رہا ہے۔

طبی ماہرین نے منرل واٹر استعمال کرنے والے صارفین کو خبردار کیا ہے کہ پلاسٹک کی بوتلوں میں دستیاب یہ پانی انسانی صحت کے لیے ہر طرح سے نقصان دہ ہے۔

ایک تحقیق کے مطابق، کچھ منزل پانی کمپنیاں ناقص معیار کی پلاسٹک کی بوتلیں استعمال کرتی ہیں۔ ان پلاسٹک کے نقصان دہ اجزا پانی میں شامل ہو جاتے ہیں۔

فوڈ اینڈ ڈرگ اتھارٹی کے مطابق منرل واٹر میں پوٹاشیم، سوڈیم، کیلشیم، فاسفورس، میگنیشیم اور سلفر پایا جاتا ہے۔ یہ معدنیات انسانی جسم میں ہڈیوں کو مضبوط رکھنے کے علاوہ بلڈ پریشر کو بھی درست رکھتی ہیں۔

ایک تحقیق کے مطابق منرل واٹر کا استعمال انسانی جسم کو یہ فوائد فراہم کرتا ہے۔

دل کی صحت :
پانی میں موجود منرلز دل کی دھڑکن کو کنٹرول کرتے ہیں، روزانہ کی بنیاد پر منرل واٹر کا استعمال کولیسٹرول کی سطح کو برقرار رکھنے اور خون میں ٹرائی گلیسرائیڈ کی سطح کوکم کرنےمیں مددکرتاہے۔

ہڈیوں کی مضبوطی :
ہڈیوں کی ساخت اور مضبوطی میں کیلشیم کا واضح کردار ہے اور اسے ڈیری مصنوعات کے علاوہ منرل واٹر سے بھی حاصل کیا جا سکتا ہے۔

قبض کا علاج :
منرل واٹر میں موجود میگنیشیم سلفیٹ اور سوڈیم سلفیٹ آنتوں کی حرکت کو منظم کرکے قبض کے مسائل سے نجات دلاتا ہے۔

اگرچہ منرل واٹر مفید ہے لیکن اس کی ناقص پیکنگ انسانی صحت کے لیے بہت نقصان دہ ہے۔

دانتوں کاخراب ہونا:
منرل واٹر کی تیزابیت دانتوں پر موجود قدرتی تہہ کوشدید متاثر کرتی ہے جو کہ دانتوں کی خرابی کا باعث بنتی ہے۔

زہریلا پلاسٹک :
پلاسٹک کی بوتلوں میں بسفینول نامی مادہ ہوتا ہے جو جسم کے کچھ اہم ہارمونز کو متاثر کرتا ہے۔ تاہم ماہرین کے مطابق پلاسٹک جسم کے بعض خلیات کی ناکامی یا کینسر جیسی مہلک بیماری کا باعث بھی بن سکتا ہے۔