کویت اردو نیوز : انٹرنیشنل کرکٹ کونسل (آئی سی سی) نے ورلڈ کپ فائنل کے لیے آفیشلز کا اعلان کر دیا ہے۔
ورلڈ کپ فائنل 2023 کے لیے، تجربہ کار رچرڈ ایلنگ ورتھ اور رچرڈ کیٹلبرو آن فیلڈ امپائر ہوں گے اور جوئل ولسن تھرڈ امپائر ہوں گے۔
آئی سی سی کے مطابق کرس گفانی فورتھ امپائر جبکہ اینڈی پائی کرافٹ میچ ریفری ہوں گے۔
میزبان بھارت اور آسٹریلیا کل اتوار کو میگا ایونٹ کے فائنل میں احمد آباد کے نریندر مودی اسٹیڈیم میں ٹکرائیں گے۔
اس کے علاوہ میدان میں شائقین کرکٹ سے لطف اندوز ہونے کے لیے ہندوستانی فضائیہ کی جانب سے سوریا کرن ایروبیٹک ٹیم ورلڈ کپ فائنل میچ سے قبل ایک ایئر شو کا اہتمام کرے گی۔
میگا ایونٹ کے فائنل میچ میں وزیر اعظم نریندر مودی، دیگر ممالک کے کرکٹ بورڈز کے اعلیٰ حکام، بالی ووڈ کے ستارے اور بزنس ٹائیکونز کی بھی شرکت متوقع ہے۔
