کویت اردو نیوز : ترکیہ نے سعودی عرب سمیت چھ ممالک کے شہریوں کو سیاحتی مقاصد کے لیے داخلے کے ویزے سے مستثنیٰ قرار دینے کا اعلان کیا ہے۔
ان ممالک میں سعودی عرب کے علاوہ متحدہ عرب امارات،امریکہ، بحرین ، سلطنت عمان اور کینیڈا کے شہری بھی شامل ہیں۔
العربیہ کے مطابق بیان میں کہا گیا ہے کہ ‘چھ ممالک کے پاسپورٹ ہولڈرز کو ہر 180 دنوں میں 90 دن تک کے سفر کے لیے ویزا سے استثنیٰ دیا گیا ہے۔
یہ فیصلہ سعودی عرب کی قیادت میں چھ ممالک بالخصوص جی سی سی ممالک کے ساتھ سیاحت کے تبادلے کو بڑھانے کے لیے ترکیہ کی کوششوں کے فریم ورک کے اندر آیا ہے۔
اس سے پہلے، سفر سے کم از کم 24 گھنٹے قبل ای ویزا حاصل کرنے کے لیے کسی کو ترک سفارت خانے یا قونصل خانے میں درخواست دینا پڑتی تھی۔
اس کے علاوہ ترکیہ کا سفر کرتے وقت ای انٹری ویزا کی پرنٹ یا ای کاپی ساتھ رکھنا ضروری ہے۔
ترکیہ کے سرکاری اعدادوشمار کے مطابق رواں سال کی تیسری سہ ماہی میں سیاحت کے شعبے میں آمدنی بڑھ کر 20.23 بلین ڈالر تک پہنچ گئی ہے۔
