کویت اردو نیوز : دبئی میں ایک ہندوستانی طالب علم نے 18 ماہ میں 70 کلو وزن کم کر کے ذیابیطس کو شکست دے دی ۔
17 سالہ وتسل شاہ نے ان سخت انتخاب کو شیئر کیا ہے جو اس نے اپنی بے چینی کو دور کرنے اور ایک صحت مند زندگی گزارنے کے لیے کیے تھے
بڑے ہوتے ہوئے، دبئی میں Raffles ورلڈ اکیڈمی کے گریڈ 12 کے طالب علم کو صحت کے کئی مسائل کا سامنا کرنا پڑا، بشمول ہائی بلڈ پریشر اور ٹائپ 2 ذیابیطس کے ۔ان طبی حالات کی تشخیص اس کے 10 سال کے ہونے سے پہلے کی گئی تھی مگر شاہ نے اب 18 ماہ میں 70 کلو وزن کم کرلیاہے۔
اگست 2020 سے پہلے، جب شاہ 13 سال کا تھا، اس کا وزن 140 کلو تھا ، اور اس کا BMI 47 (موٹاپا) تھا۔ اب اس کا وزن مثالی BMI 23 (عام) کے ساتھ 73 کلوگرام ہے۔اب شاہ ذیابیطس اور ہائی بلڈ پریشر سے بھی نجات پا گیا ہے۔
شاہ کا کہنا ہے کہ وبائی مرض کرونا کے دوران، میرے وزن سے متعلق خدشات بڑھ گئے تھے ،نیند کم اور ہائی بلڈ پریشر اور ذیابیطس بڑھ گیا تھا ، جس کے لیے میں دوا لے رہا تھا، یہ میری زندگی کا ایک نازک موڑ تھا اور تب ہی میں نے اپنی صحت کو سنبھالنے کا فیصلہ کیا ۔
شاہ کے لیے دوڑنا مشکل تھا اس لیے اس نے تیراکی کے ساتھ شروع کیا ، اس کے والدین نے شاہ کا وزن کم کرنے کے مشن میں تعاون کیا۔ شاہ کاکہنا ہے کہ”ہم نےگھر سےتمام چربی اورجنک فوڈ،چاکلیٹ، بسکٹ اور فاسٹ فوڈنکال دیا ۔
"کھانے کیلیےچار پلیٹ کھاناکھانے کیبجائے، میں نے اسکوآہستہ آہستہ کم کرنےسے پہلے اس کو 2پلیٹ پر کیا ، میں نے اسنیکس کیلیے چکنائی والےکھانے کو گری دار میوےاور پروٹین چپس سےبدل ڈالا ، میں نے اپنے روزمرہ کےکھانے میں جئی کو شامل کیا۔ اگرچہ میرے والدین موٹاپے کا شکار نہیں تھے، لیکن وہ بھی چربی دار اور غیر صحت بخش کھانا چھوڑ کر میرے ساتھ شامل ہو گئے۔یہ مشکل تھا، لیکن شاہ نے ہار ماننے سے انکار کر دیا۔
شاہ نے کہا کہ جب وہ موٹاپے کا شکار تھے تو ان کی خود اعتمادی وقت کی کم ترین سطح کو چھو چکی تھی۔ لیکن جب میں نے وزن کم کرنا شروع کیا تو میرا اعتماد بڑھ گیا۔
شاہ نے دوسروں کو رہنمائی فراہم کرنے کے لیے ڈائنامک اسٹریچنگ، کارڈیو فٹنس اور وزن کی تربیت پر ورزش کی ویڈیوز کے ساتھ ایک ویب سائٹ بھی لانچ کی۔
اپنے وزن میں کمی کے سفر کو بانٹنے کے لیے اس کے جوش نے انھیں ایک کتاب لکھنے اور شائع کرنے میں مدد کی، جس کا عنوان ہے Rebirth of Strength ۔کتاب کی فروخت سے حاصل ہونے والی آمدنی کا کچھ حصہ اسکول کے بچوں کی مدد کے لیے ہندوستان میں ایکسیس لائف فاؤنڈیشن کو جاتا ہے۔
