کویت اردو نیوز : سعودی عرب کے اب یو اے ای نے بھی اعلان کیا ہے کہ وہ انفرادی سطح پرانکم ٹیکس متعارف کرانیکا ارادہ نہیں رکھتا۔
گلف نیوز کے مطابق متحدہ عرب امارات کے نائب وزیر خزانہ یونس الخوری نے کہا کہ سعودی عرب کی طرح یو اے ای میں بھی لوگ انکم ٹیکس کے دائرے سے باہر رہیں گے۔
یونس الخوری نے یہ وضاحت عرب مالیاتی فنڈ کے تحت وزرائے خزانہ کے اجلاس میں کی۔ یہ اجلاس عرب دنیا میں مالیاتی پالیسیوں کا جائزہ لینے اور صحت عامہ اور ماحولیاتی بجٹ کی فنڈنگ کے متاثر ہونے کے امکان پر تبادلہ خیال اور مشاورت کے لیے بلایا گیا تھا۔
چند روز قبل سعودی عرب کے وزیر خزانہ محمد الجدان نے اعلان کیا تھا کہ سعودی عرب ملک میں کسی بھی فرد پر انکم ٹیکس عائد کرنے کا ارادہ نہیں رکھتا۔
بلومبرگ ڈاٹ کام کو انٹرویو دیتے ہوئے محمد الجدعان نے کہا کہ سعودی عرب بڑے ملکی اور غیر ملکی اداروں سے ویلیو ایڈڈ ٹیکس اور انکم ٹیکس کے شعبے میں لوگوں سے زکوٰۃ وصول کرتا ہے۔ ایسی صورت میں آمدنی کے مزید ذرائع کی فوری ضرورت نہیں۔
