کویت اردو نیوز ، 7 اکتوبر 2023: عالمی شہرت یافتہ سلطنت عثمانیہ پر مبنی تاریخی ترک سیریز ’ارطغرل غازی‘ کے سیکوئل ’کرولوس عثمان‘ میں مرکزی کردار ادا کرنے والے ترک اداکار براق ازچویت اپنے مداحوں سے ملنے پاکستان پہنچ گئے۔
ترک اداکار نے تصویر اور ویڈیو شیئرنگ پلیٹ فارم انسٹاگرام پر ایک کہانی شیئر کرتے ہوئے اپنی پاکستان روانگی سے متعلق آگاہ کیا تھا ، تاہم اب سوشل میڈیا پر وائرل ہونے والی ویڈیو کلپ سے معلوم ہوا ہے کہ ترک اداکاربراق ازچویت کراچی پہنچ چکئے ہیں۔
تھوڑا عرصہ قبل انہوں نے اپنے مداحوں کو پاکستان آمد کی اطلاع بھی کی تھی۔
ترکی کی مقبول سیریز ’ارطغرل غازی‘ کے مرکزی کردار ارطغرل غازی، ترگت الپ اور بامسی الپ بھی پاکستان آچکے ہیں۔
واضح رہے کہ براق اوزچیوت نے سلطنت عثمانیہ کے بانی عثمان غازی کی زندگی پر مبنی تاریخی سیریز ‘ارطغرل غازی’ کے سیکوئل کے مرکزی کردار سے دنیا بھر میں شہرت حاصل کی ہے ۔
