کویت اردو نیوز ، 29 اکتوبر 2023 : شوبز انڈسٹری کی معروف اداکارہ عائزہ خان کو اسرائیل فلسطین کشیدگی پر خاموشی اختیار کرنے پر سوشل میڈیا صارفین کی جانب سے شدید تنقید کا نشانہ بنایا گیا۔
غزہ پر اسرائیل کی وحشیانہ بمباری جاری، شہداء کی مجموعی تعداد 8 ہزار سے تجاوز کرگئی جن میں 3600 بچے بھی شامل ہیں۔
اسرائیلی بمباری نے غزہ کا باقی دنیا سے رابطہ منقطع کرتے ہوئے آخری بچ جانے والی بین الاقوامی کیبل کو بھی تباہ کر دیا جبکہ ایلون مسک نے غزہ کو سیٹلائٹ انٹرنیٹ سروس فراہم کی ہے۔
فلسطین پر اسرائیل کی دہشت گردی کے خلاف دنیا بھر کے فنکار آواز اٹھا رہے ہیں اور غزہ میں فوری جنگ بندی کا مطالبہ بھی کر رہے ہیں تاہم اب تک معروف اداکارہ عائزہ خان کی جانب سے مظلوم فلسطینیوں کے حق میں کوئی بیان سامنے نہیں آیا۔ نہ ہی انہوں نے اسرائیل کی بربریت کا کوئی جواب دیا ہے۔
عائزہ خان سوشل میڈیا سائٹ انسٹاگرام پر مسلسل ایکٹو رہتی ہیں جہاں وہ روزانہ کی بنیاد پر اپنے تازہ ترین فوٹو شوٹس پوسٹ کرتی رہتی ہیں تاہم اداکارہ نے فلسطین کی حمایت میں ایک بھی پوسٹ جاری نہیں کی۔
اداکارہ کے انسٹاگرام پر 13 ملین سے زائد فالوورز ہیں، اتنے مقبول ہونے کے باوجود عائزہ خان کی اسرائیلی حملوں پر خاموشی دیکھ کر سوشل میڈیا صارفین مشتعل ہوگئے۔
عائزہ خان کی پوسٹ پر تبصرہ کرتے ہوئے ایک صارف نے سوال کیا کہ آپ فلسطین کے بارے میں پوسٹ کیوں نہیں کر رہے؟ ہمیں ابھی آپ کے فوٹو شوٹ کی کوئی پرواہ نہیں ہے، آپ پر شرم آتی ہے۔”
لائبہ نامی صارف نے کہا، ’’کیا آپ اپنے دماغ میں ہیں؟ ہزاروں لوگ مر رہے ہیں، کیا آپ ان کے لیے یہ پلیٹ فارم استعمال نہیں کر سکتے؟
افشین نامی صارف نے اداکارہ کو مشورہ دیا کہ ‘پاکستان میں آپ کے انسٹاگرام فالوورز کی تعداد سب سے زیادہ ہے لہذا آپ فلسطین کی حمایت کے لیے اپنا پلیٹ فارم استعمال کریں’۔
ایک اور صارف کا کہنا تھا کہ ’عائزہ خان کا بائیکاٹ کریں، ہر اس شخص کا بائیکاٹ کریں جو ابھی تک اپنی تشہیر میں مصروف ہے، یہ خود غرض لوگ ہیں، ہماری فلسطینی بہنوں، بھائیوں، بچوں کا قتل عام ہو رہا ہے اور یہ اب بھی خود کو پروموٹ کر رہے ہیں، شرم آنی چاہیے۔
فاطمہ نامی صارف نے کہا، ’’شرم آنی چاہیے! فلسطین کے لیے ایک بھی پوسٹ نہیں، آپ سب مغربی کٹھ پتلی ہیں۔
ایک اور صارف نے کہا کہ ‘ان مشہور شخصیات کو ان فالو کرنا شروع کر دیں کیونکہ وہ اپنے کام میں مصروف ہیں، انہیں اسرائیل کے خلاف آواز اٹھانے میں شرم آتی ہے’۔
واضح رہے کہ اسرائیل کی جانب سے غزہ پر فضائی، زمینی اور سمندری حملے جاری ہیں، یہ اسرائیل کا غزہ پر اب تک کا سب سے بڑا حملہ ہے۔
