ممبئی: (کویت نیوز اردو ) بالی ووڈ کی نامور اداکارہ سوارا بھاسکر کے ہاں بیٹی کی پیدائش ہوئی ہے ۔
اداکارہ سوارا بھاسکر نے سوشل میڈیا پر اپنی بیٹی اور شوہر کے ہمراہ انتہائی خوبصورت تصاویر شئیر کی ہیں ، اداکارہ نے پوسٹ میں لکھا ہے کہ ان کی دعائیں قبول ہو گئیں اور ہمیں رحمت سے نواز دیا گیا ہے ، اداکارہ نے اپنی بیٹی کا نام رابعہ رکھا ہے۔
نیک خواہشات کے اظہار پر اداکارہ نے اپنے مداحوں کا شکریہ ادا کیا ہے ، اور کہا ہے کہ بیٹی کی پیدائش کے بعد دنیا نئی جیسی ہو گئی ہے۔سوشل میڈیا پر وائرل تصاویر میں اداکارہ سوارا بھاسکر اور انکے شوہر فہد احمد اپنی بیٹی کے ساتھ بے حد خوش نظر آرہے ہیں ۔
خیال رہے کہ اداکارہ سوارا بھاسکر نے رواں برس فروری میں سیاست دان فہد احمد کے ساتھ شادی کی تھی۔
https://x.com/ReallySwara/status/1706309169639288872?s=20
