کویت اردو نیوز ، 8 اکتوبر 2023: افغانستان کرکٹ ٹیم کے لیگ اسپنر راشد خان نے ورلڈ کپ کی فیس صوبہ ہرات میں آنے والے تباہ کن زلزلے کے متاثرین کو دینے کا اعلان کردیا۔
گزشتہ روز افغانستان کے صوبے ہرات میں 6.3 شدت کے زلزلے نے مقامی انفراسٹرکچر کو شدید نقصان پہنچایا جب کہ آفٹر شاکس کا سلسلہ تاحال جاری ہے۔
اطلاعات کے مطابق صوبہ ہرات اور ملحقہ علاقوں میں زلزلے سے جاں بحق ہونے والوں کی تعداد 2 ہزار تک پہنچ گئی ہے۔
سماجی رابطے کی ویب سائٹ انسٹاگرام پر صوبے کی سنگین صورتحال کو دیکھتے ہوئے افغان کرکٹر راشد خان نے ورلڈ کپ کی میچ فیس زلزلہ متاثرین کے لیے عطیہ کرنے کا اعلان کردیا۔
راشد خان کا کہنا ہے کہ ‘میں اپنی تمام کرکٹ ورلڈ کپ میچ فیس متاثرہ لوگوں کی مدد کے لیے عطیہ کر رہا ہوں ، جس سے ضرورت مند لوگوں کی مدد ہو گی’۔
