کویت اردو نیوز ، 19 اکتوبر 2023 : پاکستان شوبز انڈسٹری کی نوجوان اداکارہ اور سوشل میڈیا کی معروف اداکارہ دنا نیر مبین نے اسرائیل کے ہاتھوں بے گناہ فلسطینیوں کی نسل کشی کی شدید مذمت کی ہے۔
دنا نیر مبین نے اپنے آفیشل انسٹاگرام ہینڈل کی سٹوری پر اسرائیلی وزیر اعظم کی ایک ٹویٹ شیئر کی، جس میں کہا گیا کہ ’’یہ جنگ اندھیرے اور روشنی کے بچوں کے درمیان ہے۔‘‘
اس ٹویٹ پر سخت ردعمل دیتے ہوئے دنا نیر نے کہا کہ میں اس ٹویٹ کو اپنی زندگی میں کبھی نہیں بھولوں گی اور نہ ہی دنیا کو یہ بھولنے دوں گی کہ قاتل اسرائیلی حکومت کس طرح معصوم فلسطینیوں کی نسل کشی کر رہی ہے۔
واضح رہے کہ غزہ کی پٹی پر اسرائیل کی بمباری اور ناکہ بندی کو 11 روز ہوچکے ہیں، جس میں 3 ہزار 300 سے زائد فلسطینی شہید اور 1400 اسرائیلی مارے گئے جب کہ 10 لاکھ فلسطینیوں کو اپنا گھر بار چھوڑ کر جنوبی علاقے میں منتقل ہونا پڑا۔
دنیا بھر سے فنکار فلسطین پر اسرائیل کی دہشت گردی کے خلاف آواز اٹھا رہے ہیں اور غزہ میں فوری جنگ بندی کا مطالبہ بھی کر رہے ہیں۔
پاکستان اور ترکی کے ساتھ ساتھ ہندوستان سے بھی کچھ اداکار ایسے ہیں جنہوں نے فلسطین کی حمایت کی ہے جن میں سونم کپور، سوارا بھاسکر ، گوہر خان شامل ہیں۔
دوسری طرف فلسطین کے خلاف جنگ میں اسرائیل کو امریکہ، برطانیہ اور بھارت کی مکمل حمایت حاصل ہے۔
