‘ڈنکی’ کی اہم تفصیلات سامنےآگئیں

کویت اردو نیوز ، 20 اکتوبر 2023: بالی ووڈ کے لیجنڈ فلمساز راجکمار ہیرانی اور سپر اسٹار شاہ رخ خان کی نئی میگا فلم ‘ڈنکی’ کا مداحوں کو بے صبری سے انتظار ہے۔

فلم کے کاسٹنگ ڈائریکٹر مکیش چھابرا نے فلم کے بارے میں نئی ​​تفصیلات بتاتے ہوئے کہا کہ ‘ڈنکی’ پر اگلے دس سال تک بات کی جائے گی۔

یہ مکیش چھابڑا کا راجکمار ہیرانی کے ساتھ تیسرا اشتراک ہے، جو اس سے قبل بلاک بسٹر ‘پی کے’ اور ‘سنجو’ میں کام کر چکے ہیں۔

کاسٹنگ ڈائریکٹر کے مطابق فلم کا موضوع ایسا ہے جو کروڑوں لوگوں کو چھو لے گا اور اس پر برسوں بات کی جائے گی۔

انہوں نے کہا کہ راجکمار ہیرانی اور شاہ رخ خان فلم میں اپنی بہترین پرفارمنس کے ساتھ سامنے آئیں گے اور ہیرانی فلم ساز سے زیادہ ایک ادارہ ہیں۔

واضح رہے کہ ‘ڈنکی’ مبینہ طور پر ایک کامیڈی فلم ہے جو غیر قانونی امیگریشن کے مسئلے سے متعلق ہے۔